Лінкі ўнівэрсальнага доступу

Мінпрыроды зноў шукае інвэстараў на нафтавыя радовішчы


Ілюстрацыйнае фота

Ілюстрацыйнае фота

Міністэрства прыродных рэсурсаў і аховы навакольнага асяродзьдзя Беларусі зноў абвясьціла конкурсы па выбары інвэстараў для распрацоўкі двух радовішчаў нафты. Першы раз радовішчы выстаўляліся на аўкцыён у канцы сакавіка 2016 году.

Два радовішчы плянуюць перадаць у канцэсію інвэстарам, перадае прэс-служба Мінпрыроды. Канцэсія — гэта пагадненьне, якое дазваляе шукаць, разьведваць і эксплюатаваць радовішчы карысных выкапняў, што належаць дзяржаве.

Для распрацоўкі інвэстарам прапануюць перадаць два радовішчы: Пазьнякевіцкую плошчу ў Нараўлянскім раёне і Акаліцкую плошчу — у Ельскім.

Геалягічныя рэсурсы нафты Пазьнякевіцкай плошчы ацэньваюцца ў 706 тысяч тон, Акаліцкай — 485,6 тысячы тон. Радовішча аддаецца ў канцэсію на 60 месяцаў з дня заключэньня дамовы.

XS
SM
MD
LG