Расейская група дасьледчыкаў канфліктаў Conflict Intelligence Team (CIT) паведаміла, што выявіла ў горадзе Солнечнагорск магілы двух афіцэраў Сілаў спэцапэрацый Узброеных сілаў Расеі, якія загінулі ў Сырыі — капітана Алега Архірэева і Максіма Сарочанкі.
Міністэрства абароны Расеі не паведамляла пра гібель гэтых вайскоўцаў.
CIT паведамляе, што Архірэеў і Сарочанка былі пахаваныя на могілках у падмаскоўным Солнечногорску цягам апошняга году. Паводле CIT, інфармацыю пра гібель афіцэраў падчас расейскай кампаніі ў Сырыі пацьвердзілі сваякі і калегі вайскоўцаў.