Лінкі ўнівэрсальнага доступу

Турэччына: звольняць яшчэ 2000 паліцыянтаў, Міністэрства сувязі зачыняць


Ілюстрацыйнае фота. Мітынг, арганізаваны Эрдаганам, на знак пратэсту супраць няўдалага вайсковага путчу. Прэзыдэнт Рэджэп Таіп Эрдаган з жонкай вітаюць удзельнікаў мітынгу. Стамбул, 7 жніўня 2016 году
Ілюстрацыйнае фота. Мітынг, арганізаваны Эрдаганам, на знак пратэсту супраць няўдалага вайсковага путчу. Прэзыдэнт Рэджэп Таіп Эрдаган з жонкай вітаюць удзельнікаў мітынгу. Стамбул, 7 жніўня 2016 году

Турэцкія ўлады апублікавалі два ўказы, паводле якіх сваіх пастоў пазбавяцца больш за дзьве тысячы паліцыянтаў і сотні прадстаўнікоў узброеных сілаў краіны.

Дзяржаўныя ўлады закрыюць Міністэрства сувязі і звольняць 196 супрацоўнікаў нагляднага органу СМІ — Упраўленьня інфармацыйных тэхналёгіяў і сувязі, якое цяпер атрымае паўнамоцтвы міністэрства. Указы апублікаваныя на сайце T.C. Resmi Gazete — афіцыйным турэцкім друкаваным органе, паведамляе ВВС.

Усіх звольненых падазраюць у падтрымцы рэлігійнага дзеяча Фэтхулаха Гюлена, які жыве ў ЗША, і якога турэцкія ўлады лічаць натхняльнікам бунту 15 ліпеня. Тады група вайскоўцаў заявіла, што бярэ кіраваньне краінай у свае рукі, каб забясьпечыць выкананьне канстытуцыйных правоў грамадзян. Да раніцы турэцкаму ўраду ўдалося цалкам аднавіць кантроль над сытуацыяй у краіне.

Падчас спробы дзяржаўнага перавароту загінулі больш за 190 чалавек, больш за 1400 былі параненыя. Пазьней былі звольненыя або адхіленыя ад працы больш 80 тысяч чалавек.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG