Пра гэта яна распавяла ў інтэрвію тэлепраграме «Буйным плянам» на канале «Беларусь 1», перадае TUT.BY.
Пра інтэрнэт і сацыяльныя сеткі Ярмошына разважала, адказваючы на пытаньне пра тое, наколькі кандыдаты ў дэпутаты выкарыстоўваюць рэсурс сацыяльных сетак для камунікацыі з выбарнікамі.
«Апазыцыйныя палітыкі, па-мойму, вельмі выкарыстоўваюць гэты рэсурс, — сказала яна. — Астатнія — можа, у меншай ступені. Але давайце ня будзем забываць, што тыя, хто ідзе ў дэпутаты, вельмі вялікая частка — гэта людзі, якім за сорак ужо, а можа, нават і за пяцьдзясят. Яны проста ня вельмі прывучаныя.
Вось я, напрыклад, зусім не ўяўляю, навошта патрэбныя сацыяльныя сеткі. Зусім не разумею. Я лічу, што зь сябрамі трэба камунікаваць асабіста або праз тэлефон. Я не разумею: як можна гутарыць у перапісцы? Як можна выхваляцца фатаграфіямі перад незнаёмымі людзьмі? Таму для мяне гэта ўяўляецца як нешта бессэнсоўнае, надуманае».
Выбары ў Палату прадстаўнікоў Нацыянальнага сходу Беларусі адбудуцца 11 верасьня. Для ўдзелу ў выбарах зарэгістраваны 521 кандыдат, яны будуць змагацца за 110 месцаў у парлямэнце.
