Лінкі ўнівэрсальнага доступу

«Каса любіць брусок і сала кусок» — на Палесьсі спаборнічалі касцы


У Бярозаўскім раёне на Берасьцейшчыне адбыўся нацыянальны чэмпіянат па ручным сенакашэньні. Мэта экалягічнага фэстывалю «Спораўскія сенакосы» — папулярызацыя аховы прыроды.

Фэст праводзіўся ўжо дзясяты раз, пры падтрымцы Міністэрства прыродных рэсурсаў, Эўразьвязу і ААН.

На адкрыцьці «Спораўскіх сенакосаў» міністар прыродных рэсурсаў Беларусі Андрэй Каўхута распавёў пра ўнікальнасьць заказьніка «Спораўскі», дзе месьціцца рэдкае ў маштабах Эўропы верхавое балота:

«Спораўскаму заказьніку ўжо 25 год. Дзясяты раз тут праводзяцца спаборніцтвы па сенакашэньні, і не дарэмна выбраная тэрыторыя заказьніка.

Спаборніцтвы «Спораўскія сенакосы» адбываліся дзясяты раз

Спаборніцтвы «Спораўскія сенакосы» адбываліся дзясяты раз

Сенакосы — гэта магчымасьць ня толькі паказаць сваю сілу і ўменьне выкарыстоўваць старажытную беларускую прыладу працы — касу, але і магчымасьць палепшыць экалягічную сытуацыю. Быў пэрыяд, калі гэтыя балоты зарасталі кустоўем, не было дастатковай увагі да балотаў, што ўплывала і на біяразнастайнасьць, на існаваньне тут рэдкіх расьлінаў і птушак. Цяпер тут пражывае 30 працэнтаў усясьветнай папуляцыі вяртлявай чаротаўкі — птушкі, занесенай у Чырвоную кнігу».

Удзельнікі шыхтуюцца перад спаборніцтвамі

Удзельнікі шыхтуюцца перад спаборніцтвамі

Міністар распавёў, што дзякуючы дапамозе эўрапэйскіх арганізацыяў і ПРААН у заказьнік «Спораўскі» была закупленая тэхніка для працаў на балоце, якая была прадстаўленая ў часе фэсту на выставе.

У спаборніцтвах па сенакашэньні бралі ўдзел ня толькі мужчыны, але і жанчыны і нават падлеткі. Удзельнікі мусілі касіць ручной касой на хуткасьць ды якасьць.

У чэмпіянаце па сенакашэньні ўдзельнічалі нават жанчыны

У чэмпіянаце па сенакашэньні ўдзельнічалі нават жанчыны

У часе фэсту адбыліся таксама спаборніцтвы па футболе на балоце. На сцэне выступалі самадзейныя калектывы, мясцовыя рамесьнікі прапаноўвалі сваю прадукцыю. Вельмі шмат людзей былі апранутыя ў беларускія нацыянальныя строі, вышыванкі. Вышываныя ручнікі можна было набыць у мясцовых майстрых.

Да канца пракосу спартоўцы з косамі даходзілі зьнясіленыя

Да канца пракосу спартоўцы з косамі даходзілі зьнясіленыя

Спадар у вышыванцы кляпае касу

Спадар у вышыванцы кляпае касу

Выстава вышыванак ад палескіх майстрых

Выстава вышыванак ад палескіх майстрых

На фэсьце было шмат людзей у нацыянальных строях

На фэсьце было шмат людзей у нацыянальных строях

«Кировска партийна» — такую гарэлку прапаноўвалі на фэсьце

«Кировска партийна» — такую гарэлку прапаноўвалі на фэсьце

Бярозаўскае спажыўтаварыства на сваіх століках частавала алькаголем, шашлыкамі, ды іншай закускай

Бярозаўскае спажыўтаварыства на сваіх століках частавала алькаголем, шашлыкамі, ды іншай закускай

Спаборніцтвы па футболе на балоце

Спаборніцтвы па футболе на балоце

Паказаць камэнтары

XS
SM
MD
LG