Лінкі ўнівэрсальнага доступу

Ужо сёньня, 12 жніўня: 60 гадоў Мікалаю Статкевічу


Мікалай Статкевіч

Мікалай Статкевіч

Падзеі гэтага дня ў Беларусі, сьвеце, гісторыі.

Афіша:

Менск. У Цэнтрвыбаркаме адбудзецца лёсаваньне выступленьняў кандыдатаў у дэпутаты Палаты прадстаўнікоў на тэлебачаньні і радыё. У адпаведнасьці з выбарчым заканадаўствам кандыдаты маюць магчымасьць бясплатна выступіць на тэлебачаньні адзін раз. Менскія кандыдаты ў дэпутаты — у эфіры тэлеканалу «Беларусь 3».

Тураў, Жыткавіцкі раён, Гомельская вобласьць. 12 — 15 жніўня пройдзе традыцыйны валянтэрскі летнік па расчыстцы ўнікальнай прыроднай тэрыторыі міжнароднага значэньня — Тураўскага лугу, месца гнездаваньня кулікоў.

Менск. Роварная экскурсія «Менск габрэйскі».

Міжнародны дзень моладзі.

У гісторыі:

1383 — Войска крыжакоў, разам зь Вітаўтам, заняла Трокі і атачыла Вільню

1399 — Бітва на Ворскле, армія ВКЛ разьбітая войскамі Залатой Арды

1654 — Адбылася бітва пад Шкловам, войска ВКЛ на чале з Янушам Радзівілам перамагло расейскія войскі на чале зь Юрыям Барацінскім і Якавам Чаркаскім

1851 — Ісак Зінгер атрымаў патэнт на вынаходніцтва швейнай машынкі

1914 — Першая сусьветная вайна: Вялікабрытанія абвясьціла вайну Аўстра-Вугоршчыне

1952 — Ноч забітых паэтаў — расстрэл трынаццаці выбітных габрэйскіх інтэлектуалаў у Маскве

1953 — у СССР праведзенае першае выпрабаваньне вадароднай бомбы

1981 — у продаж паступіў першы пэрсанальны кампутар PC

2000 — Расейская субмарына «Курск» затанула ў Баранцавым моры

2004 — заснаваная беларуская вэрсія Вікіпэдыі

У гэты дзень нарадзіліся:

1877 — Тодар (Хведар) Данілюк, рэлігійны і вайсковы дзеяч, удзельнік Слуцкага паўстаньня, адзін са стваральнікаў Беларускай аўтакефальнай праваслаўнай царквы, які ад 1950 г. жыў у ЗША.

1893 — Аляксандар Ружанцоў, беларускі вайсковы дзяяч, пісьменьнік, бібліёграф

1896 — Янка Чарапук, беларускі грамадзка-палітычны дзеяч, арганізатар беларускага жыцьця ў Чыкага

1930 — Джордж Сорас, амэрыканскі фінансіст і грамадзкі дзеяч вугорскага паходжаньня

1956 — Мікалай Статкевіч, беларускі палітык, былы палітвязень, былы кандыдат на прэзыдэнта.

1966 — Лера Сом, беларуская паэтка.

Цытата:

"Я галоўны апанэнт улады. Гэта ацэнка Лукашэнкі".

Мікалай Статкевіч, з інтэрвію Свабодзе

Паказаць камэнтары

XS
SM
MD
LG