Лінкі ўнівэрсальнага доступу

logo-print

МУС Нямеччыны рыхтуе радыкальныя меры па барацьбе з тэрарызмам


Кіраўнік МУС Нямеччыны Томас дэ Мэзьер мае намер увесьці шэраг мер, якія паспрыяюць павышэньню ўзроўню бясьпекі ў краіне. Сярод іх — забарона на нашэньне паранджы і паслабленьне рэжыму мэдычнай таямніцы.

Міністр унутраных спраў ФРН Томас дэ Мэзьер мае намер дамагчыся падпісаньня дэклярацыі, якая садзейнічае павышэньню ўзроўню бясьпекі ў краіне. Канкрэтныя меры будуць прадстаўлены кіраўнікамі МУС фэдэральных зямель, якімі кіруюць прадстаўнікі партый ХДС і ХСС. Пра гэта паведамляе агенцтва DPA.

У чарнавіку дэклярацыі, што знаходзіцца ў распараджэньні агенцтва, утрымліваюцца такія пункты, як забарона на нашэньне нікаба і паранджы, паскарэньне дэпартацыі мігрантаў, павелічэньне колькасьці паліцэйскіх да 2020 году на 15 тысяч і паляпшэнне іх ўзбраеньня, магчымасьць весьці расьсьледаваньне супраць 14-гадовых падлеткаў, удзел узброеных сіл у апэрацыях ўнутры краіны ў выпадку тэрактаў і адмена падвойнага грамадзянства. «Мы не прымаем гэтага раздвойваньня лаяльнасці. Тым, хто хоча браць удзел у палітыцы замежных дзяржаў, мы прапануем пакінуць Нямеччыну», — гаворыцца ў дакумэнце.

Абмяркоўваецца таксама магчымасць паслабленьня рэжыму медычнай таямніцы — лекараў хочуць абавязаць паведамляць праваахоўным органам аб пацыентах, якія распавядаюць пра свае намеры зрабіць злачынства.

Па словах Томаса дэ Мэзьер, ён згодны не з усімі пунктамі праекту дэклярацыі. Дакумэнт таксама падвергла рэзкай крытыцы Сацыял-дэмакратычная партыя Германіі (СДПГ) — партнёр блока ХДС / ХСС па урадавай кааліцыі.

Пра гэта паведамляе «Нямецкая хваля».

XS
SM
MD
LG