Лінкі ўнівэрсальнага доступу

Высяляць даўжнікоў у Расеі хочуць з дапамогай Нацгвардыі


Байцы расейскай Нацыянальнай гвардыі на вучэньнях у Валгаградзкай вобласьці 28 ліпеня.

Байцы расейскай Нацыянальнай гвардыі на вучэньнях у Валгаградзкай вобласьці 28 ліпеня.

Міністэрства ўнутраных справаў Расеі прапанавала дазволіць судовым прыставам прыцягваць байцоў Нацыянальнай гвардыі для высяленьня даўжнікоў з памяшканьняў і прыпыненьня дзейнасьці юрыдычных асобаў і індывідуальных прадпрымальнікаў.

Праект адпаведных паправак у закон аб выканаўчай вытворчасьці разьмешчаны на афіцыйным партале нарматыўных актаў.

Аб стварэньні Нацыянальнай гвардыі (Росгвардия) прэзыдэнт Расеі Ўладзімір Пуцін абвясьціў 5 красавіка.

Згодна з законам, Нацыянальная гвардыя зоймецца барацьбой з тэрарызмам, аховай спэцыяльных дзяржаўных аб’ектаў і іншымі задачамі. Ёй таксама пяройдуць паўнамоцтвы ўнутраных войскаў МУС: спыненьне масавых беспарадкаў у населеных пунктах і ў папраўчых установах. Байцы Нацыянальнай гвардыі атрымаюць права правяраць аўтамабілі, пранікаць ў жытло, прымяняць фізычную сілу і агнястрэльную зброя пры пагрозе ім самім або грамадзянам.

Кіраўніком Нацыянальнай гвардыі прызначаны галоўнакамандуючы ўнутранымі войскамі Віктар Золатаў, які раней быў начальнікам службы бясьпекі Пуціна. Новае фармаваньне будзе наўпрост падпарадкоўвацца прэзыдэнту.

XS
SM
MD
LG