Лінкі ўнівэрсальнага доступу

logo-print

У Турэччыне выдадзены ордэр на арышт прапаведніка Фэтхулаха Гюлена, які жыве ў ЗША


Фэтхулах Гюлен

Фэтхулах Гюлен

Суд Стамбулу пастанавіў, што менавіта ён «аддаў загад аб перавароце 15 ліпеня».

Гюлен катэгарычна абвяргае сваю датычнасьць да спробы зьвяржэньня ўлады ў Турэччыне.

Рух, якім кіруе апальны рэлігійны дзеяч, сьцьвярджае, што яго арганізацыі ў Турэччыне займаюцца толькі дабрачыннай дзейнасьцю.

Анкара настойвае на выдачы Гюлена, аднак афіцыйнага запыту уладам ЗША так і не накіравала.

Раней у чацьвер прэзыдэнт Турэччыны Рэджэп Эрдаган заявіў, што пазбавіць даходаў усе прыватныя кампаніі, зьвязаныя з апазыцыянэрам. Эрдаган назваў усе арганізацыі, якія маюць дачыненьне да Гюлена, «гнёздамі тэрарызму».

У Турэччыне па падазрэньні ва ўдзеле ў спробе дзяржаўнага перавароту ўжо затрыманыя больш за 10 тысяч чалавек, амаль 70 тысяч дзяржаўных служачых, паліцэйскіх і вайскоўцаў звольненыя або адхіленыя ад працы і службы. У краіне ўведзена надзвычайнае становішча, прыпынена дзеяньне эўрапейскай Канвэнцыі аб правах чалавека.

XS
SM
MD
LG