Нагодай для ўвядзеньня антыдэмпінгавага мыта стала скарга эўрапейскіх мэталюргаў, абураных штучным зьніжэньнем цэн на халоднакатаную сталь з боку канкурэнтаў. Санкцыі будуць дзейнічаць пяць гадоў.
Скарга сыходзіла ад Эўрапейскай асацыяцыі вытворцаў сталі (Eurofer), у якую ўваходзяць фірмы, што выпускаюць больш за 25 працэнтаў аб’ёму ліставой халоднакатанай сталі. Эўрапейскія мэталюргі абвінавацілі расейскіх і кітайскіх калегаў у тым, што, штучна заніжаючы цэны на халодны пракат, які выкарыстоўваецца пры вытворчасьці аўтамабіляў і бытавой тэхнікі, яны выцясьняюць канкурэнтаў з рынку.
Санкцыі закранулі найбуйнейшыя расейскія мэталюргічныя кампаній: «Северсталь», Магнітагорскі (ММК) і Новаліпецкі (НЛМК) камбінаты.
Пастаўкі халоднакатанага пракату «Северстали» ў Эўропу штогод складаюць каля 200-250 тыс. тон, ММК — каля 100 тыс. тон, а пастаўкі НЛМК у 2015 годзе дасягнулі 350 тыс. тон.
Самае папулярнае
1
