Лінкі ўнівэрсальнага доступу

Рада бясьпекі ААН склікае экстранае пасяджэньне з-за запуску Паўночнай Карэяй ракеты


Рада бясьпекі ААН 3 жніўня правядзе экстраную сустрэчу з-за запуску Паўночнай Карэяй ракеты, якая прызямлілася ў межах японскіх тэрытарыяльных вод. Сустрэча склікаецца на патрабаваньне ЗША і Японіі.

У Токіё назвалі гэты запуск «абуральным актам» і «сьмяротнай небясьпекай» для Японіі.

Ракета сярэдняй дальнасьці прызямлілася ў Японскім моры пасьля запуску раніцай 3 жніўня.

Паўднёвакарэйскія вайскоўцы заявілі, што запуск паказаў намеры Паўночнай Карэі «непасрэдна і шырокамаштабна нападаць на суседнія краіны».

Стратэгічнае камандаваньне ЗША адзначыла, што мае дадзеныя аб дзьвюх ракетах, адна зь якіх выбухнула адразу пасьля запуску.

Паўночная Карэя ў ліпені запусьціла тры ракеты. Пхэньян пагражаў «фізычным адказам» на заплянаванае разгортваньне сыстэмы супрацьракетнай абароны, пра які раней абвясьцілі ЗША і Паўднёвая Карэя.

Запускі балістычных ракет у КНДР супярэчаць рашэньням Рады бясьпекі ААН.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG