Летась на дзяржаўнае фінансаваньне СМІ вылучалася больш — каля 72 мільярдаў рублёў.
Самым буйным атрымальнікам расейскіх дзяржаўных грошай сёлета стаў холдынг ВГТРК (Усерасейская дзяржаўная тэлевізійная і радыёвяшчальная кампанія), які на 100% належыць ураду Расеі. Мэдыі гэтай групы атрымалі за 22,5 мільярдаў рублёў, на 2 з лішнім мільярды менш, чым летась.
Скараціліся выдаткі і на тэлеканал Russia Today: у 2016 годзе некамэрцыйная арганізацыя «ТБ-Навіны» (уладальнік брэнду Russia Today) атрымаў 17,5 мільярда рублёў. Годам раней субсідыя складала 20,8 мільярда.
Трэцяе месца займае агенцтва «Россия сегодня» (у мінулым — «РИА Новости»). Холдынг пад кіраўніцтвам Дзьмітрыя Кісялёва абышоўся бюджэту крыху больш чым на 6 мільярдаў рублёў. Выдаткі ў параўнаньні з 2015 годам павялічыліся, але нязначна — прыблізна на 13,5 мільёна рублёў.
На сродкі масавай інфармацыі, дзе адсутнічае палітычнае вяшчаньне («Культура», «Карусэль», «Матч-ТБ», радыё «Арфей») дзяржава выдаткавала крыху больш за мільярд рублёў.