Лінкі ўнівэрсальнага доступу

logo-print

Прадстаўнік Канстантынопальскага Патрыярхату: «Украіна — кананічная тэрыторыя Канстантынопальскай Царквы»


Прэзыдэнт Украіны Пятро Парашэнка і Канстантынопальскі патрыярх Варфаламей, 10 сакавіка 2016 году.

Прэзыдэнт Украіны Пятро Парашэнка і Канстантынопальскі патрыярх Варфаламей, 10 сакавіка 2016 году.

Высокапастаўлены прадстаўнік Канстантынопальскага Патрыярхату заявіў, што Канстантынопаль мае поўнае права надаць аўтакефалію Праваслаўнай царкве ва Ўкраіне.

Архіепіскап Іоў сказаў у інтэрвію Рэлігійна-інфармацыйнай службе Ўкраіны:

«Канстантынопаль заўсёды лічыць, што тэрыторыя Ўкраіны зьяўляецца кананічнай тэрыторыяй Канстантынопальскай Царквы. І ня трэба забываць, што менавіта на аснове Кіеўскай мітраполіі была нададзеная аўтакефалія Польскай Царквы ў 1924 годзе».

Канстантынопальскі духоўнік таксама патлумачыў, на аснове чаго Канстантынопаль даў томас адносна аўтакефаліі Польскай Праваслаўнай Царквы ў 1924 годзе:

«Канстантынопаль разглядаў Польскую Царкву як былую частку Кіеўскай мітраполіі. Як мы ведаем, пры мітрапаліце Кіпрыяне Цамблаку Кіеўская мітраполія знаходзілася ў рамках польска-літоўскай дзяржавы, гэта значыць яе межы распаўсюджваліся і на тэрыторыю Польшчы, і сучаснай Літвы. Тое ж самае прыкладна было і ў часы Пятра Магілы, які быў мітрапалітам Кіеўскім. Кіеўская мітраполія тады належала Канстантынопалю. І таму, што Польшча калісьці знаходзілася ў рамках Кіеўскай мітраполіі, а Кіеўская мітраполія была ў наўпроставым кананічным падпарадкаваньні Канстантынопалю, Канстантынопаль даў аўтакефалію Польскай Царкве ў 1924 годзе. Значыць, калі ў 1924 годзе Канстантынопаль дараваў аўтакефалію Польскай Царкве на аснове Кіеўскай мітраполіі, чаму сёньня Канстантынопаль ня меў бы права даць самой Кіеўскай мітраполіі статус аўтакефаліі? Калі гэта было магчыма ў 1924 годзе — гэта магчыма і сёньня».

Адказваючы на пытаньне пра цяжкасьці з наданьнем аўтакефаліі Украінскай праваслаўнай царкве, прадстаўнік Канстантынопальскага Патрыярхату адзначыў такі момант:

«Важна падкрэсьліць, і гэта кананічны прынцып, што на адной тэрыторыі можа быць толькі адна Царква. Гэта значыць, дзьве аўтакефальныя Цэрквы ня могуць быць адначасова на адной тэрыторыі. І для абвяшчэньня аўтакефаліі трэба адзінства Царквы. Таму менавіта над гэтым адзінствам трэба працаваць».

Паказаць камэнтары

XS
SM
MD
LG