У аэрапорце Дубая ў сераду зрабіў аварыйную пасадку і загарэўся самалёт Boeing-777 авіякампаніі Emirates.
На фатаграфіі, разьмешчанай у твітэры, відаць, што самалёт моцна пашкоджаны, а яго фюзэляж гарыць. У сацсетках зьявілася і відэа пажару.
Мясцовыя СМІ паведамляюць, што ўсіх пасажыраў і членаў экіпажа эвакуіравалі, і яны ў бясьпецы. Афіцыйнага пацьверджання гэтай інфармацыі пакуль няма.
У самой авіякампаніі пацьвердзілі, што з іх самалётам, на борце якога знаходзіліся 275 чалавек, адбыўся «інцыдэнт», але падрабязнасьцяў не паведамілі.