Лінкі ўнівэрсальнага доступу

logo-print

Колькасьць расейскіх вайскоўцаў, якія загінулі ў Сырыі, узрасла да 19


У сырыйскай правінцыі Ідліб быў зьбіты расейскі верталёт Мі-8, на борце якога знаходзіліся тры члены экіпажа і два вайскоўцы.

Такім чынам агульная колькасьць расейскіх вайскоўцаў, якія загінулі ў Сірыі, узрасла да 19.

Ідліб амаль цалкам кантралюецца сіламі апазыцыйных рэжыму Башара Асада ісламістаў.

Пакуль застаецца незразумелым, прадстаўнікі якой з груповак зьбілі верталёт.

Паводле інфармацыі Міністэрства абароны Расеі, зьбіты верталёт вяртаўся на расейскую базу Хмэймі (Латакія) пасьля дастаўкі гуманітарнай дапамогі ў горад Алепа, дзе ўжо другі дзень узброеная апазыцыя вядзе наступ на пазыцыі ўрадавых войскаў, якіх падтрымлівае расейская авіяцыя.

Сырыйскія праваабаронцы і мясцовыя жыхары неаднаразова абвінавачвалі расейскі бок у бамбаваньнях жылых кварталаў Алепа.

Паказаць камэнтары

XS
SM
MD
LG