Лінкі ўнівэрсальнага доступу

Стан чалавека, які зьдзейсьніў спробу самаспаленьня ў Ерэване, вельмі цяжкі


Стан мужчыны, які зьдзейсьніў напярэдадні падчас акцыі пратэсту на праспэкце Баграмяна ў Ерэване спробу самаспаленьня, вельмі цяжкі.

У суботу позна ўвечары на перакрытым дэманстрантамі праспэкце Баграмяна ў Ерэване мужчына сярэдніх гадоў, абліўшы сябе бэнзінам, зьдзейсьніў спробу самаспаленьня. Аднак іншыя ўдзельнікі акцыі пратэсту зьбілі зь яго полымя.

Як перадае Tert.am са спасылкай на крыніцу ў Навуковым цэнтры радыяцыйнай і апёкавай мэдыцыны, мужчына атрымаў апёкі 20% дыхальных шляхоў і 50% паверхні цела.

У суботу вечарам дэманстранты перакрылі на дзьве гадзіны праспэкт Баграмяна і правялі сядзячую акцыю пратэсту ў падтрымку ўзброенай групы, якая ўжо два тыдні утрымлівае будынак палка патрульна-паставой службы паліцыі ў сталічным раёне Эрэбуні.

Удзельнікі групы «Сасна црэр», якія захапілі з 17 ліпеня будынак паліцыі, патрабуюць адстаўкі уладаў і вызваленьня свайго лідэра Жырайра Сэфіляна, арыштаванага каля месяца таму па падазрэньні ў незаконным захоўваньні зброі.

XS
SM
MD
LG