Лінкі ўнівэрсальнага доступу

logo-print

Асацыяцыя лёгкаатлетычных фэдэрацый адмовілася пусьціць «чыстых» расейскіх лёгкаатлетаў на Алімпіяду


Віталій Мутко

Віталій Мутко

Сэбастыян Каў, прэзыдэнт Міжнароднай асацыяцыі лёгкаатлетычных фэдэрацый, адказаў адмовай на ліст міністра спорту Расеі Віталія Мутко, які прасіў дапусьціць на Алімпіяду ў Рыё-дэ-Жанэйра «чыстых» расейскіх лёгкаатлетаў.

«Мне сёньня прыйшоў адказ ад спадара Каў, у якім ён у прынцыпе дзякуе за пазыцыю і зварот, за тое, што мы сур’ёзна да гэтага ставімся, што мы гатовыя далей рэфармаваць лёгкую атлетыку. Але разам з тым ён лічыць, што немагчыма вяртацца да таго рашэньня, на жаль,» — сказаў Мутко журналістам.

Мутко накіраваў ліст Каў 25 ліпеня — на наступны дзень пасьля таго, як Міжнародны алімпійскі камітэт прыняў рашэньне не пазбаўляць Расею права ўдзельнічаць у Гульнях у Рыё-дэ-Жанэйра з-за допінгавага скандалу, а пераклаў рашэньне аб допуску спартоўцаў на асобныя фэдэрацыі.

Раней Міжнародная асацыяцыя лёгкаатлетычных фэдэрацый ужо забараніла ўсім расейскім лёгкаатлетам удзел ў Алімпіядзе-2016 пасьля таго, як было выкрытае сыстэматычнае ўжываньне допінгу ў расейскай камандзе. Спартовы арбітражны суд у Лязане (Швэйцарыя) 21 ліпеня адхіліў апэляцыю Расеі на гэтае рашэньне.

Некалькі фэдэрацый — у тым ліку фэдэрацыі гімнастыкі, трыятлёну і стральбы з луку — ужо заявілі аб тым, што дапускаюць расейскіх спартоўцаў на Алімпіяду.

25 ліпеня Міжнародная фэдэрацыя плаваньня адхіліла ад удзелу ў Алімпіядзе семярых расейскіх плыўцоў, але дазволіла выступаць расейскім сынхраністкам, скакунам у ваду і ватэрпалісткам ў поўным складзе.

XS
SM
MD
LG