Афіша:
У кінатэатры «Цэнтральны» ў Менску адбудзецца паказ зарэгістраванай у якасьці HD пастаноўкі Каралеўскім нацыянальным тэатрам зь Лёндану п’есы «Адзін слуга, два паны». Пачатак а 19.30.
«Сьцежкамі паркавых прывідаў»: начная роварная экскурсія па Лошыцкім парку ў Менску. Збор ахвотных каля цэнтральнага ўваходу ў парк (з боку Камвольнага камбіната). Пачатак а 22.00.
У гісторыі:
1097 — У «Аповесьці мінулых гадоў» упершыню згадваецца горад Пінск.
1511 — Наваградак атрымаў магдэбурскае права.
1856 — нарадзіўся Бэрнард Шоў, брытанскі і ірляндзкі драматург.
1875— нарадзіўся Карл Густаў Юнг, швэйцарскі псыхааналітык.
1875 — нарадзіўся Марцін Кухта, друкар, выдавец кніг на беларускай, рускай, польскай і літоўскай мовах.
1896 — нарадзіўся Ўладзімер Варава, беларускі пісьменьнік і журналіст.
1956 — прэзыдэнт Эгіпту Гамаль Абдэль Насэр абвясьціў нацыяналізацыю Суэцкага каналу.
1957 — СССР запусьціў першую шматступенчатую міжкантынэнтальную балістычную ракету.
1997 — у Менску адбыўся 2-гі зьезд беларусаў сьвету.
У памяці:
1931 — памёр Міхал Пятроўскі, беларускі хадэцкі дзяяч, каталіцкі сьвятар, прыхільнік беларусізацыі касьцёлу ў Беларусі.
1933 — памёр Францішак Грынкевіч, ксёндз, беларускі каталіцкідзяяч.
Цытата:
«Сумная праўда заключаецца ў тым, што жыцьцё чалавека складаецца з комплексу няўмольных супрацьлегласьцяў — дня і ночы, нараджэньня і сьмерці, шчасьця і пакуты, дабра і зла. Мы ня ўпэўненыя нават у тым, што нейкае адно будзе пераважаць над іншым, што дабро пераможа зло, або радасьць — боль. Жыцьцё — гэта поле бітвы. Яно заўжды існавала і заўсёды будзе існаваць, калі б гэта было ня так, жыцьцё падышло б да канца».
Карл Густаў Юнг
