У Расеі распрацоўваецца прылада да смартфонаў, з дапамогай якой гульцы будуць шукаць расейскіх гістарычных асобаў — Пятра Першага, Аляксандра Пушкіна, Юрыя Гагарына ды іншых.
Распрацоўку новай гульні-прылады ініцыявалі ўлады Масквы. Замест папулярных сёньня пакемонаў, уладальнікам смартфонаў прапануюць дапоўніць рэальнасьць расейскімі знакавымі постацямі.
«Мэта прылады палягае ў выкарыстаньні моднай тэхналёгіі дапоўненай рэальнасьці, каб прыцягнуць увагу да багатай культурнай спадчыны Масквы, а таксама даць масквічам стымул больш хадзіць пехатою», — паведаміў дэпартамэнт інфармацыйных тэхналёгіяў расейскай сталіцы.
Сьпіс пэрсанажаў новай прылады ўключае цароў Івана Жахлівага і Пятра Першага, паэта Аляксандра Пушкіна, навукоўца Міхаіла Ламаносава, кампазытара Пятра Чайкоўскага, касманаўта Юрыя Гагарына, рок-ікону Віктара Цоя. Ёсьць і «замежны» пэрсанаж — Напалеон Банапарт; зрэшты, у ягонай біяграфіі прысутнічае «маскоўскі эпізод» 1812 году.
Самае папулярнае
1