У Ерэване ўзброеная група, якая раней захапіла будынак міліцыі, не зьбіраецца здавацца ўладам

У Ерэване ўзброеная група, якая раней захапіла будынак палка патрульна-паставой службы, не зьбіраецца здавацца ўладам, хоць 23 ліпеня адпусьцілі ўсіх закладнікаў. Як паведамляе армянская служба Радыё Свабода, адзін з удзельнікаў узброенай групы, прадстаўнік апазыцыйнага «Ўстаноўчага парлямэнту» Варужан Авецісян заявіў, што патрабаваньні застаюцца нязьменныя: адстаўка прэзыдэнта Сержа Саргсян і вызваленьне іх лідэра Жырайра Сэфіляна, арыштаванага месяц таму па абвінавачваньні ў незаконным набыцьці і захоўваньні зброі .