Лінкі ўнівэрсальнага доступу

logo-print

У кватэры палітоляга Піянткоўскага — ператрус па справе аб «тэрытарыяльнай цэласнасьці» Расеі


Андрэй Піянткоўскі

Андрэй Піянткоўскі

У маскоўскую кватэру палітоляга і публіцыста Андрэя Піянткоўскага раніцай 23 ліпеня ўварваліся супрацоўнікі ФСБ з ордэрам на ператрус. У кватэры знаходзіцца прапісаны там унук Андрэя Піянткоўскага Філіп. Неўзабаве туды прыбыў адвакат Марк Фейгін.

Ператрус праводзіцца па справе, распачатай пасьля публікацыі ў студзені 2016 году на сайце радыёстанцыі «Эхо Москвы» артыкулу Піянткоўскага «Бомба, гатовая выбухнуць», прысьвечанага сытуацыі ў Чачні (цяпер артыкул стаіць на сайце ў зьмененым выглядзе).

Пракуратура выявіла ў гэтым артыкуле «прыкметы заклікаў да ажыцьцяўленьня дзеяньняў, накіраваных на парушэньне тэрытарыяльнай цэласнасьці» Расеі. Акрамя таго, паводле пракуратуры, артыкул распальвае нянавісьць і варожасьць, а таксама «прыніжае годнасьць па прыкмеце нацыянальнасьці».

XS
SM
MD
LG