У выніку здарэньня прынамсі тры чалавекі атрымалі сур’ёзныя раненьні, адзін паранены лёгка і яшчэ 14 чалавек знаходзяцца ў стане шоку. У некаторых пацярпелых небясьпечныя для жыцьця раненьні.
У нападзе падазраецца 17-гадовы аўганец, які жыў у горадзе Оксэнфурт, цытуе Deutsche Welle кіраўніка МУС Баварыі Ёахіма Хермана. Паводле некаторых дадзеных, малады чалавек быў уцекачом, які нядаўна прыбыў у Нямеччыну.
Узброены сякерай і нажом, ён накінуўся на пасажыраў на перагоне паміж горадам Оксэнфурт і станцыяй Вюрцбург-Хайдынгсфэльд. Калі цягнік спыніўся, злачынца паспрабаваў уцячы, аднак яго перахапіў нарад паліцыі. Паліцыянты атакавалі нападніка і застрэлілі яго.
