Раней МУС Казахстану паведаміў аб затрыманьні 27-гадовага ўраджэнца Кызылардынскай вобласьці.
У выніку перастрэлкі, паводле апошніх зьвестак, загінулі трое паліцыянтаў і адна цывільная асоба. У шпіталі Алматы дастаўлены восем чалавек. Параненыя знаходзяцца ў цяжкім стане.
Раніцай 18 ліпеня невядомы мужчына паспрабаваў патрапіць у Алмалінскае РУУС Алматы. Ён параніў вартавога паліцыянта і завалодаў яго аўтаматам. У ходзе перастрэлкі з супрацоўнікамі праваахоўных органаў нападнік атрымаў раненьні і быў затрыманы.
Прэзыдэнт Казахстану Нурсултан Назарбаеў назваў тое, што адбылося, тэрактам. У Алматы ў панядзелак уведзены найвышэйшы — «чырвоны» ўзровень тэрарыстычнай небясьпекі.
