Лінкі ўнівэрсальнага доступу

Нягледзячы на путч, візыт Эрдагана ў Беларусь пакуль не скасаваны


Прэзыдэнт Турцыі Рэджэп Таіп Эрдаган

Прэзыдэнт Турцыі Рэджэп Таіп Эрдаган

Амбасада Турэччыны вядзе працу над арганізацыяй візыту ў Менск прэзыдэнта Рэджэпа Таіпа Эрдагана, паведамляе БелаПАН са спасылкай на турэцкую дыпляматычную місію.

Запрашэньне наведаць Беларусь Эрдаган атрымаў ад Аляксандра Лукашэнкі ў красавіку гэтага году падчас сустрэчы ў Стамбуле ў рамках саміту Арганізацыі ісламскага супрацоўніцтва. Прэзыдэнт Турэччыны заявіў пра гатоўнасьць прыехаць у Беларусь.

Афіцыйна візыт Эрдагана не анансаваўся, аднак сайт Беларускай гандлёва-прамысловай палаты паведамляе пра беларуска-турэцкі бізнэс-форум, які адбудзецца 29 ліпеня «ў рамках візыту ў Рэспубліку Беларусь прэзыдэнта Турэцкай Рэспублікі Р.Т.Эрдагана».

«Візыт плянуецца. Ніякіх даручэньняў з нагоды яго адмены ў нас не было. Амбасада са свайго боку вядзе працу над арганізацыяй візыту і непасрэдна бізнэс-форуму», — заявіла БелаПАН супрацоўніца амбасады Турцыі.

Чакаецца, што Эрдаган і Лукашэнка прымуць удзел у цырымоніі адкрыцьця ў Менску Саборнай мячэці, якая заплянавана на 29 ліпеня, паведаміў БелаПАН кіраўнік мусульманскай абшчыны імам Зарыф Зулудзі.

XS
SM
MD
LG