АФІША
У Менску пройдзе чарговая сустрэча трохбаковай кантактнай групы па ўрэгуляваньні сытуацыі ва Ўкраіне.
У Нацыянальным мастацкім музэі усходазнавец, навуковы супрацоўнік музэю Мікіта Моніч прачытае лекцыю «Мастацтва Старажытнай Пэрсіі». Пачатак у 19:00.
У Нацыянальным цэнтры сучасных мастацтваў (вул. Някрасава, 3) у рамках праекту «Пэрсоны» адбудзецца дыскусія з мастаком Ігарам Саўчанкам. Мастак адкажа на 10 складаных пытаньняў, датычных яго творчасьці, якія зададуць беларускія арт-крытыкі, журналісты, куратары выставаў. Пачатак у 19:00.
У ГІСТОРЫІ
1260 — адбылася бітва пры Дурбе — войскі жамойтаў перамаглі сілы Тэўтонскага ордэну.
1772 — ангельскі мараплавец Джэймз Кук пачаў першае ў гісторыі плаваньне вакол сьвету.
1908 — у Лёндане адкрыліся IV Алімпійскія гульні. У іх упершыню ўзялі ўдзел жанчыны.
1947 — у Парыжы міністры замежных справаў эўрапейскіх краін пагадзіліся прыняць плян аднаўленьня Эўропы, прапанаваны дзяржсакратаром ЗША Джорджам Маршалам.
1993 — у Магілёве адкрыўся першы фэстываль хрысьціянскай духоўнай музыкі «Магутны Божа».
У гэты дзень нарадзіліся
1797 — Антоні Фіялкоўскі, рымска-каталіцкі дзяяч.
1893 — Андрэй Мрый, беларускі празаік, журналіст.
1897 — Міхась Міцкевіч, беларускі грамадзка-культурны, рэлігійны і сьвецкі дзяяч.
1916 — Лаўрэнцій Абэцэдарскі, беларускі савецкі гісторык.
У гэты дзень памерлі
1645 — Міхаіл Фёдаравіч, расейскі цар, першы з дынастыі Раманавых.
1868 — Канстанцін Тышкевіч, беларускі археоляг, гісторык, этнограф, фальклярыст; адзін з заснавальнікаў беларускай навуковай археалёгіі.
1924 — Альфрэд Маршал, найбольш уплывовы ў свой час ангельскі эканаміст.
2008 — Браніслаў Гэрэмак, гісторык, польскі палітык, міністар замежных справаў Польшчы.
ЦЫТАТА
Прырода вядзе гандаль з маім целам — яна дае мне сыр, масла, хлеб, розныя іншыя карысныя й некарысныя фэрмэнты (ня ведаю, ці можна так гаварыць: у мяне нейкі пал да чужаземшчыны). У замену за гэта прырода адбірае ад мяне зусім нявартыя для мяне рэчы, за якія ніхто і шэлега ня дасьць. І вось гэты гандаль з прыродай выклікае ў мяне такую пярэстую разнастайнасьць маіх настрояў, эмоцыяў, хаценьняў, жаданьняў, перажываньняў.
Андрэй Мрый