Лінкі ўнівэрсальнага доступу

Патрэбную для падачы дакумэнтаў 1000 подпісаў сябра Сойму БНФ са Слоніма Іван Шэга сабраў за першыя чатыры дні збору.

Як сказаў Свабодзе кіраўнік яго ініцыятыўнай групы Віктар Марчык, людзі вельмі ахвотна падтрымліваюць Івана Шэгу — вядомага ў горадзе доктара-траўматоляга.

«Ён вельмі вядомы чалавек — і як палітык, і як доктар. Усе ведаюць яго толькі з найлепшага боку. Таму і падпісваюцца зь вялікай ахвотай».

Збор подпісаў праходзіў па хатах, але ў Слоніме стаіць і некалькі пікетаў у падтрымку Івана Шэгі.

Віктар Марчык адзначае, што цяпер, калі подпісы сабраныя, можна сканцэнтравацца на выездах у вёскі і пікетах з вывешваньнем бел-чырвона-белых сьцягоў.

Яны, дарэчы, выклікаюць у тых, хто падтрымлівае Івана Шэгу, толькі станоўчыя эмоцыі:

«Са сьцягам ніякіх праблем няма, усе ведаюць, што Шэга за бел-чырвона-белы сьцяг. Праўда, ёсьць моладзь, якая ня ведае, што гэта за сьцяг. Пытаюцца — мы тлумачым».

Віктар Марчык кажа, што ў Слоніме ня вераць у перамогу Івана Шэгі на выбарах:

«Людзі адкрыта кажуць, што Шэгу не прапусьцяць у парлямэнт — ён жа столькі разоў ужо балятаваўся і на мясцовых, і на парлямэнцкіх выбарах. Столькі падтрымкі перад выбарамі, а вынікі пасьля ўсім вядомыя».

Пасьля таго, як у 2013 годзе Івану Шэгу не працягнулі кантракт у слонімскім шпіталі, ён заснаваў http://www.svaboda.org/a/25100029.html прыватную мэдычную кансультацыю «Шэгамэдкансульт», у якой дапамагае людзям, якім патрэбная дапамога ў галіне траўматалёгіі.

Паказаць камэнтары

XS
SM
MD
LG