Лінкі ўнівэрсальнага доступу

Сваякі забітых у Ізраілі амэрыканцаў абвінавачваюць Фэйсбук і патрабуюць ад яго 1 млрд $ 


Ізраільская праваабарончая група Shurat Hadin падала да сацыяльнай сеткі Facebook пазоў на суму ў 1 млрд даляраў ад імя сваякоў ахвяраў нападаў палестынцаў.

Як сьцьвярджаецца ў пазове, пададзеным у амэрыканскі суд, кіраўніцтва Фэйсбук «сьвядома прадстаўляў матэрыяльную падтрымку і рэсурсы ХАМАС, палягчаючы магчымасьці гэтай тэрарыстычнай групоўкі па рэкрутаваньні новых членаў, плянаваньні і рэалізацыі нападаў і навядзеньні страху на яе ворагаў».

Паводле пазоўнікаў, заклікі палестынцаў ў сацыяльных сетках выклікалі хвалю нападаў у леташнім кастрычніку. Усе ахвяры нападаў, пералічаныя ў пазове, мелі грамадзянства ЗША.

Пазоўнікі патрабуюць ад кампаніі выдаляць з Фэйсбука інфармацыю, якая заклікае да гвалту супраць ізраільцян і сьцьвярджаюць, што Facebook парушае антытэрарыстычнае заканадаўства ЗША, якое забараняе амэрыканскім кампаніям аказваць любую матэрыяльную падтрымку і паслугі групоўкам, прызнаным тэрарыстычнымі.

Прадстаўнікі ХАМАС назвалі пазоў ізраільскага боку спробай шантажу Facebook.

Прадстаўнікі Facebook не камэнтуюць пададзены да кампаніі пазоў.

XS
SM
MD
LG