Лінкі ўнівэрсальнага доступу

logo-print

Беларусам дазволілі вывозіць паліва за мяжу безь лімітаў


Ілюстрацыйнае фота

Ілюстрацыйнае фота

Савет міністраў скасаваў (PDF) пастановы 2011 году, якія абмяжоўвалі правоз аўтамабільнага паліва за межы Беларусі. Раней выяжджаць за межы Мытнага саюзу можна было не часьцей, як раз на 8 дзён, а калі часьцей — трэба было сплаціць мыта на паліва, цяпер мыта няма, і гэта не залежыць ад частаты паездак.

Рашэньне 2011 года прымалася «дзеля стабілізацыі абстаноўкі ў пунктах пропуску празь мяжу Беларусі», што значыла фактычна барацьбу з вывазам паліва за межы краіны і продаж яго там па больш высокіх цэнах.

У адрозьненьне ад Беларусі, якая не абмяжоўвае вываз, у іншых краінах застаюцца абмежаваньні на ўвоз паліва. Так, у краіны Эўразьвязу можна правозіць толькі поўны стандартны бак паліва ў машыне і дадаткова каністру паліва аб’ёмам ня больш за 10 літраў.

Пра звычай заліваць поўны бак перад паездкай за мяжу і прадаваць за мяжой залішак паліва нават сьпяваў Лявон Вольскі ў песьні «Пасат-унівэрсал» з альбому 2008 году «Куплеты і прыпевы», адмыслова запісанага ў стылі «блатняку».

XS
SM
MD
LG