Лінкі ўнівэрсальнага доступу

logo-print

Ужо сёньня 3 ліпеня 2016: Афіцыйны Дзень незалежнасьці, вайсковы парад у Менску


Афіша:

У Менску на пляцоўцы каля абэліску «Менск — горад-герой» на пр. Машэрава пройдзе парад войскаў Менскага гарнізону ў гонар афіцыйнага Дня незалежнасьці Беларусі. Пачатак а 10.00. Вечарам у тым самым месцы адбудзецца гала-канцэрт «Беларусь, я люблю цябе» (пачатак а 22.00).

Гурт «J: морс» ладзіць прэзэнтацыю альбому «Паветра» на сцэне каля гарадзкой Ратушы ў Менску. Пачатак а 20.00.

У гісторыі:

1655 — маскоўскія войскі ўзялі Менск падчас вайны 1654-1667. Горад быў спустошаны.

1660 — войскі Рэчы Паспалітай вызвалілі ад маскоўскага войска горад Менск і тэрыторыю да ракі Беразіны.

Алаіза Пашкевіч (Цётка)

Алаіза Пашкевіч (Цётка)

1876 — нарадзілася Алаіза Пашкевіч (Цётка), беларуская паэтка, грамадзкая дзяячка.

1883 — нарадзіўся Франц Кафка, нямецкамоўны пісьменьнік.

1896 — нарадзіўся Яраслаў Кастыцэвіч, беларускі пэдагог, грамадзкі і царкоўны дзяяч, адзін з заснавальнікаў беларускамоўнай асьветы на Беласточчыне пасьля ІІ Сусьветнай вайны.

1910 — нарадзіўся Аляксей Грыцук, беларускі грамадзкі дзяяч, гісторык, літаратуразнаўца, настаўнік, старшыня Згуртаваньня беларусаў Канады.

1944 — вызваленьне Менску Чырвонай арміяй ад нацысцкіх захопнікаў.

1996 — Барыс Ельцын абраны прэзыдэнтам Расеі на другі тэрмін.

У памяці:

1971 — памёр Джым Морысан, амэрыканскі сьпявак, аўтар песень, паэт, вакаліст гурту «The Doors».

Цытата:

«Хацела б быць зярном пшаніцы,
Упасьць на ніўкі вёскі,
Зазалаціцца, безь мятліцы
Даць хлеб смачнейшы трошкі.
Хацела б быць я рэчкай быстрай,
Абегчы родны край!
Дзе напаіць, а дзе скупаць,
А дзе ўтуліцца ў гай,
То зашумець, то зашаптаць,
То спаць ў салодкім сьне,
То зноў сарвацца, зноў гуляць,
Агнём кіпець у дне».

Алаіза Пашкевіч (Цётка), фрагмэнт верша «Мае думкі».

XS
SM
MD
LG