Лінкі ўнівэрсальнага доступу

logo-print

Ужо сёньня 2 ліпеня 2016: У Менску «Дзень вышыванкі»; каля Менску музычны фэстываль «Мост»


Падзеі і даты гэтага дня ў Беларусі, сьвеце, гісторыі.

Афіша:

У Менску на пляцоўцы каля Палацу спорту пройдзе сьвята «Дзень вышыванкі». Пачатак а 12:00.

На аэрадроме «Баравая» пад Менскам пройдзе музычны фэстываль «Мост». Пачатак а 15.00.

На «Лініі Сталіна» адбудзецца рэканструкцыя бою з Апэрацыі «Баграціён. Лета 1944-га». Пачатак а 14.00.

На тэлеканале «Белсат» у 21.10 глядзіце інтэрвію Ганны Соўсь зь першым кіраўніком Беларусі Станіславам Шушкевічам у рамках спэцыяльнага праекту Свабоды «Расея і я».

2 ліпеня — Міжнародны дзень спартовага журналіста, адзначаецца з 1995 году па ініцыятыве Міжнароднай асацыяцыі спартовай прэсы.

У гісторыі:

1776 — у Філядэльфіі Другі кантынэнтальны кангрэс прыняў рашэньне аб аддзяленьні паўночнаамэрыканскіх калёній ад Вялікабрытаніі.

1875 — заснаваная Нясьвіская настаўніцкая сэмінарыя.

1877 — нарадзіўся Герман Гесэ, швэйцарска-нямецкі пісьменьнік і мастак, ляўрэат Нобэлеўскай прэміі па літаратуры.

1900 — адбыўся першы палёт дырыжабля канструкцыі графа Фэрдынанда фон Цэпэліна.

1923 — нарадзілася Віслава Шымборска, польская паэтка, ляўрэатка Нобэлеўскай прэміі па літаратуры.

У памяці:

1778 — памёр Жан-Жак Русо, францускі філёзаф-асьветнік.

1961 — памёр Эрнэст Гэмінгуэй, амэрыканскі пісьменьнік, ляўрэат Нобэлеўскай прэміі па літаратуры.

1977 — памёр Уладзімір Набокаў, амэрыканскі і расейскі пісьменьнік.

1989 — памёр Андрэй Грамыка, ураджэнец Беларусі, савецкі дзяржаўны дзеяч і дыплямат, міністар замежных справаў СССР у 1957-1985 гадах.

2012 — памёр Сяржук Вітушка, кіраўнік менскага таварыства «Талака», гісторык і пэдагог, аўтар казак для дарослых і дзяцей.

Цытата:

«Калі вымаўляю слова Будучыня,

першы склад ужо адыходзіць у мінулае.

Калі вымаўляю слова Цішыня, зьніштожваю яе.

Калі вымаўляю слова Нічога,

ствараю штосьці, што не зьмяшчаецца ў ніякім небыцьці».

Віслава Шымборска, «Тры найдзіўнейшыя словы» (пераклад Хрысьціны Граматовіч)

Паказаць камэнтары

XS
SM
MD
LG