Міністар абароны Грузіі Цінацін Хіташэлі падпісала загад, згодна зь якім вайсковая служба ва Ўзброеных сілах Грузіі перастала быць абавязковай.
Пра гэта было абвешчана сёньня на сустрэчы з грузінскімі і замежнымі журналістамі, якім Хіташэлі прадставіла гадавую справаздачу аб сваёй дзейнасьці на пасадзе міністра.
«Адным з маіх абяцаньняў на пасадзе міністра абароны было скасаваньне абавязковага прызыву. У вашай прысутнасьці я падпісваю загад аб тым, што больш ня будзе абавязковага прызыву», - цытуе Хіташэлі радыёстанцыя" Пірвэлі радыё ".
У красавіку 2016 сёлета Хіташэлі заявіла пра гатоўнасьць скасаваць абавязковы прызыў, аднак зрабіць гэта меркавалася ў 2017 годзе. Да сёньняшняга дня вйсковая служба ў Грузіі дзялілася на чатыры катэгорыі — абавязковая, кантрактная, кадравая і рэзэрвовая.
Прызыўнікоў, акрамя Мінабароны, разьмяркоўваюць і ў іншыя сілавыя ведамствы — МУС, Службу дзяржбясьпекі, Міністэрства па выкананьні пакараньняў, а таксама Спэцыяльную службу дзяржаўнай аховы. Тэрмін праходжаньня абавязковай ваеннай службы ў Грузіі — 12 месяцаў.
Як ужо паведамляла Радыё Свабода, днямі ў Літве было прынята іншае рашэньне — прэзыдэнтка Літвы Даля Грыбаўскайце падпісала закон аб увядзеньні ўсеагульнага вайсковага абавязку на сталай аснове (раней, у 2008 годзе, Літва адмовілася ад абавязковага прызыву ў войска).
Яшчэ на гэтую тэму
Самае папулярнае
1