Лінкі ўнівэрсальнага доступу

logo-print

У Віцебску на акцыю мастакоў уварваўся АМАП. Аказалася — частка пэрформансу, але гледачы перажылі шок


Амапаўцы былі запрошанымі акторамі на здымках футурыстычнай опэры. Арганізатары пра ўсё загадзя дамовіліся зь міліцыяй. Але гледачы, якія ня ведалі, якім будзе фінал пэрформансу, адчулі сапраўдны шок: ты прыйшоў на культурнае мерапрыемства, а цябе гоняць на вуліцу — да аўтазака, паведамляе tut.by.

Вядомы менскі мастак, аўтар канцэптуальных праектаў Руслан Вашкевіч здымаў у той момант ўласную вэрсію футурыстычнай опэры «Перамога над Сонцам». Месцам дзеяньня рэжысёр выбраў будынак былога Віцебскай мастацкай вучэльні на вуліцы Марка Шагала, 5.

У нейкі момант у зале выключылі сьвятло, пасьля чаго ў памяшканьне ўварваліся самыя сапраўдныя амапаўцы і пачалі выстаўляць ўсіх з будынку, побач зь якім стаяў аўтазак. Калі гледачы выйшлі на вуліцу, адзін зь вядучых арт-праекту абвясьціў: «Віншую, вы ўсе вольныя». Міліцыя пакінула «сцэну».

Гэты праект, зьняты на відэа, Руслан Вашкевіч плянуе заявіць ад Беларусі для ўдзелу на Вэнэцыянскай біенале сучаснага мастацтва ў 2017 годзе.

Паказаць камэнтары

XS
SM
MD
LG