Лінкі ўнівэрсальнага доступу

Ужо сёньня, 20 чэрвеня: выстава «Васіль Быкаў. Доўгая дарога дадому...» у МЗС


Афіша

Менск — выстава Дзяржаўнага музэю гісторыі беларускай літаратуры «Васіль Быкаў. Доўгая дарога дадому...». Міністэрства замежных спраў Рэспублікі Беларусь (вул. Леніна, 19). Пачатак а 15.30

Менск — прэзэнтацыя электроннага навучальнага дапаможніка «Псіхааналіз: тэксты для чытаньня». Мадэратарка сустрэчы — Лідзія Міхеева. Прастора «ЦЭХ», вул. Кастрычніцкая, 16).Пачатак а 16-ай

Гэты дзень у гісторыі:

1531 — Слонім атрымаў магдэбурскае права, гэта значыць, слонімцы самі сталі выбіраць гарадзкое кіраўніцтва.

1606 — у Магілёве пачалося мяшчанскае паўстаньне пад кіраўніцтвам Стахора Мітковіча.

1948 — адкрылася для наведнікаў філія Літаратурнага музэю Янкі Купалы ў Вязынцы.

У гэты дзень нарадзіліся:

1566 — Жыгімонт Ваза, вялікі князь літоўскі і кароль польскі, кароль швэдзкі.

1740 — Юзэф Сангушка, дзяржаўны і вайсковы дзеяч Вялікага Княства Літоўскага. На сойме 1767–1768 гадоў абвясьціў «Праект рэформы ўраду», які прадугледжваў прыняцьце адзінага кодэксу права для ўсёй Рэчы Паспалітай. Падпісаў акт Кардынальных правоў.

1865 — Яўстафі Каліскі, праваслаўны сьвятар.

1908 — Уладзімер Галубовіч, беларускі і польскі археоляг.

1934 — Юры Візбар, савецкі кінаактор, журналіст, бард, адзін з пачынальнікаў аўтарскай песьні.

1939 — Валерый Раеўскі, беларускі тэатральны рэжысэр, на працягу 35 гадоў быў галоўным рэжысэрам і мастацкім кіраўніком Нацыянальнага акадэмічнага тэатра імя Янкі Купалы. Стварыў амаль паўсотню спэктакляў, сярод іх — «Радавыя», «Апошні журавель», «Парог» Аляксея Дударава; «Мудрамер» Мікалая Матукоўскага; «Трыбунал», «Пагарэльцы» Андрэя Макаёнка; «Брама неўміручасьці» Кандрата Крапівы; «Апошні шанец» Васіля Быкава.

У гэты дзень памерлі

1963 — Пётра Сыч, пісьменьнік, журналіст «Радыё Свабода».

2008 — Мацьвей Смаршчок дзяяч беларускай дыяспары ў ЗША, паэт (пісаў пад псэўданімам Анатоль Бярозка).

Цытата

«Радыёстанцыя «Вызваленьне» ёсьць голасам стойкіх і адважных. Яна зьяўляецца тэй прыладай, пры дапамозе якой мы будзем інфармаваць Вас аб запраўдным, свабодным жыцьці ў вольным сьвеце, аб тэй бязьмежнай сымпатыі, якую выказвае гэты вольны сьвет да Вас, прыгнечаных, але захаваўшых поўнасьцю сваё людзкое «Я».

Пётра Сыч, пісьменьнік, журналіст, зь першага эфіру Радыё Свабода.

XS
SM
MD
LG