Лінкі ўнівэрсальнага доступу

Ляўрэатам сёлетняй прэміі Васіля Быкава стаў рэжысэр Валер Мазынскі ФОТА


Уручыў узнагароду Уладзімір Арлоў.

19 чэрвеня ў вёсцы Бычкі Ўшацкага раёну прайшлі ўрачыстасьці да 92-х угодкаў пісьменьніка. Быў названы сёлетні ляўрэат прэміі імя Васіля Быкава «За свабоду думкі». Ім стаў рэжысэр Валер Мазынскі.

Імпрэзу традыцыйна ладзілі віцебская арганізацыя «Таварыства беларускай мовы» і рух «За свабоду». Сёлета ўдзел у сьвяткаваньні не змагла ўзяць родная сястра пісьменьніка, Валянціна Быкава. Яна знаходзіцца ў рэанімацыі Віцебскага абласнога шпіталя. Тры тыдні таму на амаль што 90-гадовую спадарыню у яе ўласнай хаце накінуўся невядомы нападнік, у спадарыні Валянціны паламаная рука і некалькі рэбраў. Лекары ацэньваць яе стан усё яшчэ як цяжкі.

Прэмія «За свабоду думкі» існуе з 2008 году, уганараваныя званьнямі ляўрэатаў ужо былі славутыя паэты Рыгор Барадулін і Ніл Гілевіч, пісьменьнік Уладзімер Арлоў, літаратары і палітыкі Ўладзімер Някляеў і Павал Севярынец, мастакі Алесь Пушкін і Алесь Марачкін, краязнаўцы Ада Райчонак і Алесь Белакоз, музыка Лявон Вольскі, сьпевакі-барды Зьміцер Вайцюшкевіч і Віктар Шалкевіч. Ляўрэатамі прэміі «За свабоду думкі» традыцыйна абіраюць тых, хто найбольш яскрава праявіў сябе ў грамадзкай, прафэсійнай альбо творчай дзейнасьці на карысьць Беларусі і свабоды. Кожны ляўрэат атрымлівае памятны дыплём і ўзнагароду — скульптуру аўтарства Віктара Копача.

Прамаўляе Аляксандар Лукашук
Прамаўляе Аляксандар Лукашук

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG