Лінкі ўнівэрсальнага доступу

Інтэрпол адмовіў Украіне ў вышуку баевіка па мянушцы «Матарола» — СБУ


Грамадзянін Расеі Арсені Паўлаў («Матарола»)

Грамадзянін Расеі Арсені Паўлаў («Матарола»)

Інтэрпол адмовіў у вышуку грамадзяніна Расеі Арсенія Паўлава па мянушцы «Матарола». Як інфармуе Цэнтар інфармацыі аб правах чалавека, пра гэта паведаміў намесьнік начальніка Галоўнага сьледчага ўпраўленьня Службы бясьпекі Ўкраіны Віталь Маякоў.

Паўлава абвінавачваюць у забойстве палоннага ўкраінскага ваеннага Ігара Бранавіцкага, які абараняў данецкі аэрапорт.

«Інтэрпол вярнуў нам дакумэнты з абгрунтаваньнем пра палітычны характар справы „Матаролы“. Нам гэта незразумела. Ён застрэліў на вачах у сьведак Бранавіцкага, у нас ён зьяўляецца падазраваным, і ёсьць рашэньне суду пра яго арышт», — адзначыў прадстаўнік СБУ.

«Я спадзяюся, што ўсё ж ва ўзаемадзеяньні зь міжнароднай супольнасьцю гэтая пазыцыя будзе зьмененая», — адзначыў Маякоў.

У 2015 годзе Ўкраіна зьвярнулася ў Інтэрпол з просьбай пра аб’вяшчэньне расейца ў вышук.

Паўлаў прыехаў на акупаваны Данбас і ўзначаліў незаконнае ўзброенае фармаваньне «Батальён Спарта». Раней ён заявіў, што «расстраляў 15 палонных» украінскіх вайскоўцаў.

Міжнародная праваабарончая арганізацыя Amnesty International заклікала расьсьледаваць забойствы, у якіх прызнаўся «Матарола».

Яшчэ на гэтую тэму

XS
SM
MD
LG