Лінкі ўнівэрсальнага доступу

Ужо сёньня, 13 чэрвеня: Форум прадпрымальнікаў, 405-я гадавіна ўзяцьця Смаленску войскамі ВКЛ


Падзеі і даты гэтага дня ў Беларус, сьвеце, гісторыі.

ПАДЗЕІ ДНЯ

Менск. Рэспубліканскі форум індывідуальных прадпрымальнікаў. Месца правядзеньня — Дом Масквы (вул. Камуністычная, 86) Пачатак а 12:00

Менск. Пачатак працы інфармацыйна-прававой тэлефоннай лініі для жанчын, якія сутыкнуліся з дыскрымінацыяй па прыкмеце полу. Жанчыны змогуць атрымаць бясплатную інфармацыйна-прававую кансультацыю аб тым, як абараніць свае правы, прадухіліць правапарушэньне альбо аднавіць парушанае права.

Адэльск, Гарадзенская вобласьць. У роднай парафіі Мітрапаліта Мінска-Магілёўскага архібіскупа Тадэвуша Кандрусевіча — пройдзе парафіяльны адпуст, падчас якога герарх будзе дзякаваць за 35 гадоў сьвятарства. Пачатак Імшы а 12.00

У гісторыі:

1611 — войскі Рэчы Паспалітай пасьля амаль двухгадовай аблогі ўзялі Смаленск.

1864 — памёр Генрык Дэмбіньскі, адзін з кіраўнікоў антырасейскага паўстаньня 1831 году.

1966 — Ватыкан адмяніў «Індэкс забароненых кніг», уведзены ў 1557 годзе.

2009 — у Беларусі ўпершыню праведзеная апэрацыя перасадкі ныркі дзіцяці ад яго сваякоў.

У гэты дзень нарадзіліся:

1702 — Міхал Казімір Радзівіл «Рыбанька», вялікалітоўскі дзяржаўны дзяяч, мэцэнат.

1834 — Канстанцін Вераніцын, аўтар паэмы «Тарас на Парнасе».

1889 — Павал Жаўрыд, беларускі грамадзка-палітычны дзеяч, журналіст, адзін з кіраўнікоў Слуцкага паўстаньня 1920 году.

1956 — Леанід Тараненка, беларускі цяжкаатлет, двухразовы чэмпіён сьвету.

Цытата на памяць:

Ці знаў хто з вас, браткі, Тараса,
Што палясоўшчыкам служыў?
На Пуцявішчы, у Панаса,
Ён там ля лазьні блізка жыў.
Што ж, чалавек ён быў рахманы,
Гарэлкі ў губы ён ня браў,
Затое ў ласцы быў у пана -
Яго пан дужа шанаваў.
Любіла тож Тараса й паня,
І войт ні разу не збрахаў,
Затое ж ён балота з раньня
Да цёмнай ночы пільнаваў.
Чуць золак — стрэльбу ён за плечы,
Заткне сякеру за паяс, -
Заўсёды ходзіць бор сьцярэгчы
Ды птушак біць з ружжа Тарас.
Хадзіў ці многа ён, ці мала,
Ды толькі нешта адзін раз
Бяда ў бары яго спаткала...
Во як казаў нам сам Тарас.

Канстанцін Вераніцын, пачатак паэмы «Тарас на Парнасе»

Паказаць камэнтары

XS
SM
MD
LG