Міжнародная канфэдэрацыя прафсаюзаў (МКП) аднесла Беларусь да ліку краін, дзе адсутнічаюць гарантыі правоў працоўных. Пра гэта паведамляе сайт МКП.
Згодна Глябальнаму індэксу па правах працоўных за 2016 год, у дзесятку горшых краін для працоўных увайшлі Беларусь, Кітай, Калюмбія, Камбоджа, Гватэмала, Індыя, Іран, Катар, Турэччына і ААЭ.
Глябальны індэкс МКП па правах ранжыруе 141 краіну па 97 міжнародна прызнаным крытэрам з мэтай ацаніць ступень абароны працоўных як на заканадаўчым узроўні, так і на практыцы.
Агульны рэйтынг адносіць кожную краіну да адной з катэгорый:
1. Аднаразовага парушэньня правоў: 13 краін, уключна Нямеччыну і Уругвай
2. Паўтаральныя парушэньня правоў: 22 краіны, уключна Ірляндыю і Японію
3. Рэгулярныя парушэньня правоў: 36 краін, уключна Ізраіль і Аўстралію
4. Сыстэмныя парушэньні правоў: 27 краін, уключна Польшчу і ЗША
5. Адсутнасьць гарантый правоў: 27 краін, уключна Беларусь, Кітай і Нігерыю
5+ Адсутнасьць гарантый правоў з-за разбуранай сыстэмы вяршэнства закона: 10 краін, уключна Бурундзі, Палестыну і Сырыю.