Лінкі ўнівэрсальнага доступу

Ужо сёньня, 11 чэрвеня: Джазавыя вечары ля ратушы, фэстываль вулічных тэатраў, дзень скідак у крамах Менску


Джазавы канцэрт у Менску ў 2015 годзе.

Джазавы канцэрт у Менску ў 2015 годзе.

Падзеі і даты гэтага дня ў Беларус, сьвеце, гісторыі.

ПАДЗЕІ ДНЯ

Менск. Дні зьніжак на нехарчовыя тавары ў крамах гораду.
Крамы гандлёвага цэнтру «Сталіцы» прапануюць зьніжкі да 50%.

Менск. Грамадзкае аб’яднаньне абароны жывёл «Эгіда» запрашае на Дабрачынную акцыю «Быць дабру!», дзе можна знайсьці сабе меншага сябра. Месца правядзеньня — Парк ім. 50-годдзя Кастрычніка (вул. Даўгабродская, 44). Пачатак а 12:00

Менск. «Джазавыя суботы з Банкам БелВЭБ». Джазавы канцэрт пад адкрытым небам. Месца правядзеньня — Пляц Волі. Пачатак а 20:00

Менск. Штотыднёвы фэстываль вулічнай культуры «Пешаходка» ў Верхнім горадзе. Выступаюць музычныя і тэатральныя калектывы, пэрформэры, удзельнікі клюбаў гістарычнай рэканструкцыі, гандлююць рамесьнікі. Пачатак а 12:00

Менск. Летняя школа вулічнага тэатра. Бясплатныя майстар-клясы ад лепшых вулічных тэатраў Беларусі. Месца правядзеньня — Верхні горад. Пачатак а 14:00.

Менск. Міжнародная тату-канвэнцыя Belarus Tattoo Fest 2016.
Месца правядзеньня — Палац мастацтваў (вул. Казлова, 3).

Маладэчна. XVI Нацыянальны фэстываль беларускай песьні і паэзіі «Маладэчна-2016», прысьвечаны 75-годзьдзю з дня Ўладзімера Мулявіна.

Менск. У межах сацыяльна-адукацыйнай ініцыятывы «Альтанка для чытанкі» пройдзе інтэрактыўнае чытаньне казкі Эрыка Карла «Вельмі галодны вусень». Месца правядзеньня — «Кніжная шафа» (пр-т Дзяржынскага, 9, уваход са двара). Пачатак аб 11:30

У гісторыі:

1863 — Аддзел кіраўніцтва правінцыямі Літвы выдаў «Прыказ ад ронду польскага над цэлым краем літоўскім і беларускім да народу зямлі літоўскай і беларускай».

1923 — выйшла ў сьвет паэма Якуба Коласа «Новая зямля» — прызнаны нацыянальны эпас беларусаў. Паэма пачынаецца вядомымі кожнаму радкамі «Мой родны кут, як ты мне мілы» і распавядае пра пошукі сялянамі сваёй долі, што ўвасобілася ва ўласнай зямлі.

1937 — у «справе Тухачэўскага» расстраляныя савецкія ваеначальнікі Тухачэўскі, Якір, Убарэвіч, Корк і іншыя.

1993 — Беларусь усталявала дыпляматычныя дачыненьні з Азэрбайджанам і Армэніяй.

1958 — пачалося будаўніцтва гораду Наваполацку.

У памяці:

1718 — нарадзілася Саламея Пільштынова, у дзявоцтве Русецкая. Імя гэтай пісьменьніцы часта згадваюць сучасныя беларускія фэміністкі, бачачы ў ёй сваю далёкую папярэдніцу. Бурлівая і багатая на прыгоды біяграфія гэтай жанчыны сапраўды захапляе. Саламея нарадзілася ў Наваградчыне, а ўжо ў 14 гадоў патрапіла разам з мужам у Стамбул. Вывучылася на лекарку і, вярнуўшыся, мела мэдычную практыку ў Нясьвіжы. Вынікам яе падарожжаў сталася кніга «Авантуры майго жыцьця», якую часьцяком называюць раманам.

1811 — нарадзіўся Вісарыён Бялінскі, расейскі пісьменьнік, крытык, публіцыст і філёзаф-заходнік

1864 — нарадзіўся Рыхард Штраўс, нямецкі кампазытар.

1899 — нарадзіўся Ясунары Кавабата, японскі пісьменьнік, ляўрэат Нобэлеўскай прэміі 1968 году.

Зрабіць шчасьлівым хоць аднаго чалавека — значыць зрабіць шчасьлівым сябе.

Ясунары Кавабата


1910 — нарадзіўся Жак Іў Кусто, францускі акіянограф, вынаходнік аквалянга, бацька якога Даніла Куст паходзіў зь Беларусі.

Калі ў чалавека зьяўляецца магчымасьць весьці незвычайнае жыцьцё, ён ня мае права ад яго адмаўляцца.

Жак Іў Кусто


1931 — нарадзіўся Уладзімер Мацюхін, беларускі фізыёляг і біяфізык.

1985 — нарадзіўся Дзьмітры Калдун, беларускі сьпявак.

Цытата:

«Мы людзі вольныя, нямаш у нас няволі! А хто з вас хоча няволі маскоўскай — таму мы дамо шыбеніцу на галіне!»

З «Прыказу ад ронду польскага над цэлым краем літоўскім і беларускім да народу зямлі літоўскай і беларускай».

Паказаць камэнтары

XS
SM
MD
LG