Лінкі ўнівэрсальнага доступу

Ужо сёньня, 5 чэрвеня: дзень памяці сьвятой Эўфрасіньні Полацкай, Дзіцячы фэстываль КолерФэст, ваджэньне стралы на Веткаўшчыне


Эўфрасіньня Полацкая

Эўфрасіньня Полацкая

Падзеі і даты гэтага дня ў Беларус, сьвеце, гісторыі.


ПАДЗЕІ ДНЯ

в. Азярцо, Менскі р-н. Дзіцячы фэстываль КолерФэст. Удзельнікі акунуцца ў эпоху сярэднявечча, адчуюць сябе далікатнай прынцэсай або адважным воінам і ўбачыць сапраўдны Рыцарскі турнір. Месца правядзеньня — Музэй народнай архітэктуры і побыту. Пачатак аб 11:00

Менск. Інтэрактыўная выстава для дзяцей і ўсёй сям’і «Ідзі і су-дзей». Месца правядзеньня — Галерэя «Ў» (пр. Незалежнасьці, 37а) Пачатак а 12.00

Менск. (па 29 чэрвеня). Адкрыцьцё пэрсанальнай выставы Ромы Камінскага Singular Invisible Present. Тэма выставы — пад’езд жылога дому. Месца правядзеньня — прастора «Ў падвал» (пр. Незалежнасьці, 37а) Пачатак а 19:00

Полацак. Дзень памяці Эўфрасіньні Полацкай. Месца пачатку Крыжовага ходу — Сафійскі сабор (вул. Замкавая, 1). Пачатак аб 11:30

Кобрын. Сьвята дзіцячых гульняў і цацак. Месца правядзеньня — пляцоўка перад ГЦ «Палесьсе» (вул. Мікалаева, 50) Пачатак аб 11:00

Гомельская вобл., Веткаўскі р-н. Беларуская асацыяцыя журналістаў арганізуе прэс-тур у вёску Стаўбун для ўдзелу ў старадаўнім абрадзе «Ваджэньне і пахаваньне стралы».

Горадня. Заключныя мерапрыемствы ХІ фэстывалю нацыянальных культур.


У гісторыі:

1919 — у Вільні выйшаў першы нумар газэты «Беларускае жыцьцё». Рэдактар Францішак Аляхновіч.

«Сьмех таксама, як і хлеб, адна з галоўнейшых патрэб».
Францішак Аляхновіч


1923 — у Вільні выйшаў першы нумар газэты «Вольны Сьцяг», органу Беларускай Рэвалюцыйнай Арганізацыі (выдавалася да 14 кастрычніка 1923 году), была забароненая польскімі ўладамі.

1938 — у Сыбіры ў савецкім канцлягеры расстраляны Юрка Лістапад, дзяяч нацыянальна-вызваленчага руху, адзін з кіраўнікоў Слуцкага паўстаньня.

1947 — дзяржсакратар ЗША Джордж Маршал выступіў з прамовай у Гарвардзкім унівэрсытэце, у якой выклаў праграму дапамогі пасьляваеннай Эўропе, якая пазьней атрымала назву «плян Маршала».

2004 — ня стала Рональда Рэйгана, 40-га прэзыдэнта ЗША.

Прэзыдэнты СССР і ЗША Міхаіл Гарбачоў і Роналд Рэйган

Прэзыдэнты СССР і ЗША Міхаіл Гарбачоў і Роналд Рэйган


«Урад не вырашае праблемаў — ён іх фінансуе».
Рональд Рэйган


У гэты дзень нарадзіліся:

1854 — Юры Пэн, мастак-жывапісец, пэдагог, выбітны дзяяч «габрэйскага рэнэсансу» ў беларускім мастацтве пачатку XX ст.

1870 — Зыгмунт Лазінскі, беларускі каталіцкі дзеяч, біскуп Менскі, пасьля Пінскі

1942 — Вячаслаў Рагойша, беларускі філёляг, літаратуразнаўца, аўтар «Паэтычнага слоўніка».

Актор Анатоль Кот у фільме "Жыве Беларусь"

Актор Анатоль Кот у фільме "Жыве Беларусь"

1973 — Анатоль Кот, беларускі артыст тэатру і кіно.

ЦЫТАТА:

«Ведама, я расказаў таварышу ўсю сваю справу. Усю, з усiмi дэталямi. Тут нiчога не хаваў. Казаў пра ўсе гутаркi ў ГПУ, пра банкет, пра сваё савецкае грамадзянства. Мне тады здавалася, што „совершенно секретно“ на волi, за вастрожнымi мурамi перастае ўжо быць сакрэтам.

Я пытаўся, што ён думае, як усё гэта скончыцца?

Мой таварыш глядзеў на маю будучыню вельмi пэсымiстычна.

— Найменш, што вам могуць даць — гэта пяць гадоў высылкi ўва Ўсходнюю Сiбiр, або пяць гадоў Саловак... Менш не даюць... Сяджу тут ужо другi год... Праз маю камару прайшло шмат народу... Менш не даставалi... А бальшыня мела дзесяць год або расстрэл.

Значыцца, найменш — 5 год! Пяць даўгiх год быць пазбаўленым волi, быць адарваным ад жыцьця, ад сваiх блiзкiх!.. Пяць год — найменш... А можа — дзесяць?.. А можа... расстр...

Брр! Лепш аб гэтым ня думаць!..»

Францішак Аляхновіч, з кнігі «У кіпцюрох ГПУ»

XS
SM
MD
LG