Лінкі ўнівэрсальнага доступу

Ужо сёньня, 4 чэрвеня: Дзіцячы фэстываль КолерФэст, дні памяці Манюшкі, Варонкі і Буйлы


Станіслаў Манюшка

Станіслаў Манюшка

Падзеі і даты гэтага дня ў Беларусі, сьвеце, гісторыі.

ПАДЗЕІ ДНЯ

Менск. «Дзень магістра» з ЭГУ. Месца правядзеньня — «Хто такі Джон Голт?» (Вул. Шорная, 20-1Н). Пачатак а 13:00

В. Азярцо, Менскі р-н. Дзіцячы фэстываль КолерФэст. Удзельнікі акунуцца ў эпоху сярэднявечча, адчуюць сябе далікатнай прынцэсай або адважным воінам і ўбачаць сапраўдны Рыцарскі турнір. Месца правядзеньня — Музэй народнай архітэктуры і побыту. Пачатак аб 11:00

Менск. Пачатак працы гадовай бясплатнай школы вулічнага тэатру. На працягу ўсяго лета па суботах у Верхнім горадзе пад адкрытым небам будуць праходзіць бясплатныя майстар-клясы ад найлепшых вулічных тэатраў Беларусі. Уводная лекцыя «Вулічны тэатар. Ад старажытнасьці да нашых дзён». Месца правядзеньня — Карэтны музэй (вул. Кірыла і Мяфодзія, 8Б). Пачатак а 13:00

Менск. Інтэрактыўная выстава для дзяцей і ўсёй сям’і «Ідзі і су-дзей». Месца правядзеньня — Галерэя «Ў» (пр. Незалежнасьці, 37а). Пачатак а 18.00

Менск. Фэстываль швэдзкага кіно. «100-гадовы стары, які вылез праз акно і зьнік». Камэдыя Фэлікса Хернгрэна. 2015 г. Кінатэатар «Перамога» (вул. Інтэрнацыянальная, 20). Пачатак у 19:00 Горадня. Заключныя мерапрыемствы ХІ фэстывалю нацыянальных культур.

Берасьце. Паказ спэктакля «Пясьняр», прысьвечанага Уладзімеру Мулявіну. Месца правядзеньня — Берасьцейскі акадэмічны тэатар (вул. Леніна, 21) Пачатак а 19:00

У гісторыі:

1634 — Палянаўскім мірам скончана Смаленская вайна паміж Рэччу Паспалітай і Маскоўскай дзяржавай.

1800 — у Вашынгтоне завершана будаўніцтва Белага дому, і ў яго засяліліся першыя насельнікі: прэзыдэнт Джон Адамс з жонкай.

1918 — апублікаваная «Беларуская граматыка для школ» Браніслава Тарашкевіча.

1972 — Паэт Іосіф Бродзкі накіраваўся ў вымушаную эміграцыю з СССР.

1989 — На плошчы Цяньянмынь у Пэкіне канчаткова здушылі студэнцкую дэманстрацыю пратэсту

1989 — У Польшчы адбыліся першыя часткова свабодныя парлямэнцкія выбары, на якіх, нягледзячы на квоты для камуністычнага рэжыму, перамог рух «Салідарнасьць».

У гэты дзень нарадзіліся:

469 да н. э. — Сакрат, старажытнагрэцкі філёзаф

1867 — Густаў Манэргайм, маршал Фінляндыі, прэзыдэнт Фінляндыі ў 1944-1946.

1946 — Людміла Бржазоўская, балерына, народная артыстка БССР

У гэты дзень памерлі:

1872 — Станіслаў Манюшка, беларускі і польскі кампазытар

1952 — Язэп Варонка, адзін з стваральнікаў Беларускай Народнай Рэспублікі.

1986 — Канстанцыя Буйла, беларуская паэтка.

ЦЫТАТА

Люблю наш край — старонку гэту,
Дзе я радзілася, расла,
Дзе першы раз пазнала шчасьце,
Сьлязу нядолі праліла.

Фрагмэнт мэлёдыі зь песьні на гэты верш Канстанцыі Буйлы зрабіўся пазыўным беларускай Свабоды.

XS
SM
MD
LG