Лінкі ўнівэрсальнага доступу

Клінтан: Дональд Трамп «непрыдатны» для прэзыдэнцкай пасады


У ЗША фаварыт прэзыдэнцкай выбарчай кампаніі ад Дэмакратычнай партыі Гілары Клінтан заявіла, што яе рэспубліканскі супернік Дональд Трамп зьяўляецца «непрыдатным» для прэзыдэнцкай пасады і не павінен атрымаць доступу да ядзерных кодаў. Клінтан патлумачыла гэта, як яна выказалася, тэмпэрамэнтам Трампа.

У сваёй прамове 2 чэрвеня, прысьвечанай замежнай палітыцы, Клінтан заявіла, што прапановы Трампа па міжнароднай палітыцы зьяўляюцца «небяспечна няўцямнымі» і назвала бізнэсмэна-мільярдэра тым, хто «не разумее Амэрыку ці сьвет.» Па яе словах, гэта ня той чалавек, які павінен мець доступ да ядзерных кодаў.

Клінтан таксама заявіла, што прапануе «разумную і прынцыповую» зьнешнюю палітыку, якая грунтуецца на падтрыманьні вядучай ролі ЗША ў сьвеце. «Калі Дональд Трамп выйграе, у Крамлі будуць сьвяткаваць,» — сказала Клінтан. «Мы ня можам дазволіць гэтаму здарыцца.»

Па яе словах, абраньне Трамп прэзыдэнтам ЗША стане «гістарычнай памылкай».

Прамова, зь якой яна выступіла ў Сан-Дыега, у Каліфорніі, адбылася ў час, калі Клінтан спрабуе замацаваць сваё вылучэньне ад Дэмакратычнай партыі пры дапамозе цьвёрдай перамогі ў Каліфорніі на прызначаных на наступны тыдзень праймэрыз, падчас якіх яна зноў сутыкнецца са сваім супернікам ўнутры Дэмакратычны партыі сэнатарам Бэрфні Сандэрсам.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG