Лінкі ўнівэрсальнага доступу

КНДР пагражае адкрыць агонь па паўднёвакарэйскіх караблях


Ілюстрацыйнае фота

Улады Паўночнай Карэі прыгразілі неадкладна адкрыць агонь па паўднёвакарэйскіх караблях, калі яны перасякуць спрэчную марскую мяжу паміж дзьвюма краінамі «нават на 0.001 мілімэтра», перадае Руская служба Бі-Бі-Сі.

Напярэдадні вайсковыя караблі Паўднёвай Карэі адкрылі папераджальны агонь пасьля таго, як два судны з КНДР зайшлі ў паўднёвакарэйскую акваторыю.

У заяве генэральнага штабу арміі КНДР дзеяньні Паўднёвай Карэі названыя «безадказнай ваеннай правакацыяй» з мэтай павысіць узровень напружаньня ў адносінах дзьвюх краінаў.

Згодна з заявай Пхэньяну, на паўночнакарэйскіх караблях не было зброі, і яны знаходзіліся ў акваторыі КНДР, калі па іх без папярэджаньня адкрылі агонь «шматлікія ўзброеныя караблі» з Паўднёвай Карэі.

Сеул, у сваю чаргу, сьцьвярджае, што паўднёвакарэйскі карабель спачатку падаў папераджальны сыгнал, пасьля чаго былі зробленыя пяць папераджальных залпаў, таму што карабель і рыбалоўнае судна КНДР ўварваліся ў акваторыю Паўднёвай Карэі.

XS
SM
MD
LG