У чацьвер у Японіі пачаўся двухдзённы саміт краінаў «Вялікай сямёркі». Лідэры краінаў G7 абмяркоўваюць стан глябальнай эканомікі і міграцыйны крызіс. Таксама ўдзельнікі сустрэчы абмяркоўваюць пытаньні кібэрбясьпекі і барацьбу з тэрарызмам.
Як паведамляе служба навінаў BBC, у дэклярацыі па выніках саміту G7 гаворыцца, што буйнамаштабныя перамяшчэньні мігрантаў і ўцекачоў зьяўляюцца глябальнай праблемай і патрабуюць скаардынаванага рашэньня.
У «Вялікую сямёрку» ўваходзяць Вялікабрытанія, Канада, Францыя, Нямеччына, Італія, Японія і ЗША.