Лінкі ўнівэрсальнага доступу

Цэнтар «Міратворац», які апублікаваў зьвесткі пра 4068 журналістаў, закрывае сайт


Сайт «Міратворац», які апублікаваў пэрсанальныя дадзеныя журналістаў, акрэдытаваных у так званых «ДНР/ЛНР», закрываецца.

Гэта вынікае з паведамленьня, разьмешчанага на сайце.

«Прымаючы пад увагу рэакцыю, якую выклікала публікацыя сьпісу журналістаў, акрэдытаваных тэрарыстычнай арганізацыяй „ДНР“, патрабаваньнямі ўпаўнаважанай па правах чалавека Луткоўскай, а таксама вечна занепакоенага і заклапочанага Эўразьвязу, а таксама па-антыўкраінску настроеных журналістаў Украіны на чале з намесьнікам міністра інфармацыйнай палітыкі Т.Паповай, цэнтар „Міратворац“ прыняў няпростае рашэньне аб закрыцьці сайта», — гаворыцца ў паведамленьні.

Адзначаецца, што цяпер «супрацоўнікі цэнтру праводзяць архіваваньне ўсёй наяўнай інфармацыі, якая пазьней будзе выкладзеная ў адкрыты доступ так, што кожны ахвотны зможа яе спампаваць і разгарнуць лякальна на сваім кампутары».

Сайт «Міратворац» апублікаваў пэрсанальныя дадзеныя журналістаў Украіны і заходніх СМІ, акрэдытаваных у так званых «ДНР / ЛНР». У гэтай базе дадзеных 4068 імёнаў.

У сераду пракуратура Кіева пачала расьсьледаваньне ў дачыненьні да публікацыі на сайце «Міратворац».

Паказаць камэнтары

XS
SM
MD
LG