Лінкі ўнівэрсальнага доступу

Кампанія Apple зноў ўзначаліла рэйтынг самых дарагіх брэндаў па вэрсіі Forbes


Пра гэта паведамляецца сёньня на сайце выданьня. Apple названа самай дарагой маркай шосты раз запар.

Паводле дадзеных часопісу, цана брэнду Apple вырасла за год на 6% і склала 154,1 млрд даляраў. Другі радок рэйтынгу заняла кампанія Google, цана брэнду 82,5 млрд даляраў, што на 26% больш, чым летась. На трэцім месцы апынулася карпарацыя Microsoft, брэнд якой ацэнены на 75,2 млрд даляраў.

У сотню самых дарагіх брэндаў патрапілі таксама Coca-Cola, Facebook, Toyota, Disney, Samsung, Starbucks, H&M і іншыя. Больш за ўсё ў рэйтынгу амэрыканскіх кампаній — 52. На другім месцы па гэтым паказчыку — нямецкія фірмы (11), на трэцім — японскія (восем).

Больш за ўсё, паводле вэрсіі Forbes, вырас кошт брэнду Facebook — на 44%. Больш за ўсё ўпала цана IBM — на 17%.

XS
SM
MD
LG