Лінкі ўнівэрсальнага доступу

Ужо сёньня, 11 траўня: перазахаваньне баявога экіпажу, кніга пра Маўра і Коласа, сто гадоў «тэорыі адноснасьці»


Альбэрт Эйнштэйн

Альбэрт Эйнштэйн

Падзеі і даты гэтага дня ў Беларусі, сьвеце, гісторыі

Міністар адукацыі Міхаіл Жураўкоў зьбірае журналістаў, каб расказаць пра асаблівасьці сёлетняй кампаніі паступленьня ў навучальныя установы. (Нацыянальны прэс-цэнтр, пачатак а 12-й).

У дзень нараджэньня Янкі Маўра пройдзе прэзэнтацыі кнігі «Доўгая дарога ад дому Янкі Маўра да дому Якуба Коласа». Яе напісала Натальля Міцкевіч, дачка Янкі Маўра і нявестка Якуба Коласа. (Цэнтральная навуковая бібліятэка Акадэміі навук, пачатак а 16-й).

У Баранавічах і Віцебску — чарговыя заняткі курсаў «Мова нанова».
(Баранавічы, вул. Штакераў 2а, Віцебск, вул. Леніна, 53, пачатак а 18:30).

У Берасьці на гарнізонных могілках адбудзецца перазахаваньне астанкаў 7 савецкіх лётчыкаў, якія загінулі 16 ліпеня 1944 году, выконваючы баявое заданьне на амэрыканскім самалёце «Мітчэл». Астанкі экіпажу былі знойдзеныя ў траўні 2015 году каля вёскі Неплі Берасьцейскага раёну.

У гісторыі

1855 — заснаваны Віленскі музэй старажытнасьцяў.

1916 — Альбэрт Эйнштэйн упершыню публічна прадставіў сваю тэорыю адноснасьці.

1927 — заснаваная Амэрыканская акадэмія кінамастацтваў. Першым прэзыдэнтам Акадэміі стаў актор Дуглас Фэрбанкс, які запрапанаваў заснаваньне прэміі, вядомай пад назвай «Оскар». Першая ўрачыстасьць прысуджэньня «Оскараў» адбылася ў 1929.

1928 — у Нью Ёрку пачалося рэгулярнае трансьляваньне тэлеперадач.

1955 — у Варшаве пачалася нарада васьмі краінаў сацыялістычнага блёку, якая завяршылася стварэньнем Варшаўскай дамовы.

1994 — у Тураве ўстаноўлены помнік Кірылу Тураўскаму.

2011 — у Менску пачаўся судовы працэс над былымі кандыдатамі ў прэзыдэнты Міколам Статкевічам і Дзьмітрыем Вусам, а таксама ўдзельнікамі Плошчы Андрэем Пазьняком, Аляксандрам Класкоўскім, Аляксандрам Квяткевічам, Арцёмам Грыбковым, Дзьмітрыем Буланавым. Усіх іх абвінавацілі ў масавых беспарадках.

У памяці

1883 — нарадзіўся беларускі пісьменьнік Янка Маўр (пам. 1971).

1904 — нарадзіўся Сальвадор Далі, гішпанскі мастак-сюррэаліст (пам. 1989).

1947 — нарадзілася беларуская паэтэса Раіса Баравікова.

1981— памёр Боб Марлі, ямайскі музыка і кампазытар (нар. 1945).

1990 — памёр расейскі пісьменьнік Венядзікт Ерафееў (нар. 1938).

Цытата

Вы маю неспакойнасьць уважце.
Людзі добрыя, гэта ж — вясна!
Маладое, трывожнае шчасьце,
Недапітая радасьць да дна.

Вашы мілыя твары — ня маскі!
У вачах я вясну пазнаю...
Людзі добрыя, нельга бяз ласкі,
Дык уважце пяшчоту маю!

Раіса Баравікова. Зь нізкі «Вясна дыктуе мне радок».

XS
SM
MD
LG