Лінкі ўнівэрсальнага доступу

Усьлед за Бэльгіяй Галяндыя раздасьць усім жыхарам таблеткі ад радыяцыі


Урад Нідэрляндаў закупіць 15 млн таблетак зь ёдам, каб абараніць людзей, якія жывуць паблізу атамных электрастанцый, паведамляе The Guardian. Боязь у галяндзкіх уладаў выклікаюць АЭС суседняй Бэльгіі, якія старэюць.

Таблеткі ў выпадку неабходнасьці будуць выдаваць дзецям да 18 гадоў і цяжарным жанчынам, якія жывуць у радыюсе 100 км ад АЭС. Згодна са старымі правіламі, таблеткі прызначаліся толькі жыхарам маладзейшым за 40 гадоў і толькі тым, што жывуць у радыюсе 20 км ад станцыі.

У Нідэрляндах ёсьць усяго адна АЭС — «Борсэльле» на паўднёвым захадзе краіны. Як мяркуюць галяндзкія ўлады, павелічэньне колькасьці патэнцыйных спажыўцоў ёдных аблетак дазволіць абараніць грамадзян, якія жывуць непадалёк ад нямецкай «Эмслянд» і бэльгійскіх АЭС «Доэль» і «Тыанж».

Пра гэтае рашэньне было абвешчана праз дзень пасьля таго, як улады Бэльгіі заявілі пра намер забясьпечыць таблеткамі з ёдам усё 11-мільённае насельніцтва краіны.

Такое рашэньне бэльгійскі ўрад прыняў пры абмеркаваньні сытуацыі вакол японскай АЭС Фукусіма, на якой у 2011 годзе ў выніку землятрусу адбылася аварыя.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG