«Усяго было зафіксавана шэсьць эпізодаў выкарыстаньня баевікамі зброі, большасьць зь якіх — непрыцэльныя абстрэлы. Некалькі хаатычных стрэлаў з боку часова акупаваных тэрыторыяў прагучалі ўчора з ваколіц Данецку і ў раёне Шырокіна», — гаворыцца ў ранішняй зводцы штабу 2 траўня.
У той жа час позна ўвечары 1 траўня баевікі «двойчы прыцэльна білі па пазыцыях украінскіх падразьдзяленьняў ля Гранітнага з падствольных гранатамётаў і зэнітных установак», дадаюць украінскія вайскоўцы.
У групоўках «ДНР» і «ЛНР» пра абстрэлы 1 траўня не паведамляюць.
Па выніках пасяджэньня Трохбаковай кантактнай групы 29 красавіка спэцыяльны прадстаўнік АБСЭ ў групе Марцін Сайдзік паведаміў, што група прыняла заяву, у якой падтрымала намер усіх удзельнікаў Менскага працэсу забясьпечыць захаваньне рэжыму спыненьня агню на Данбасе з надыходам Вялікадня і травеньскіх сьвятаў.
Папярэднія аналягічныя дамоўленасьці былі заключаныя ў студзені, але тады баявыя дзеяньні не спыніліся.
