Лінкі ўнівэрсальнага доступу

«Начныя ваўкі» прыбылі ў Менск — актывісты БРСМ сустракалі іх з кветкамі


Прадстаўнікі пракрамлёўскага байкерскага клюбу «Начныя ваўкі». У цэнтры - Аляксандар Залдастанаў
Прадстаўнікі пракрамлёўскага байкерскага клюбу «Начныя ваўкі». У цэнтры - Аляксандар Залдастанаў

Прадстаўнікі пракрамлёўскага байкерскага клюбу «Начныя ваўкі» прыбылі ў Менск і ля Кургана Cлавы зладзілі імправізаваны мітынг-рэквіем.

Калёна «Начных ваўкоў» у складзе прыкладна 50 матацыклістаў прыехала да Кургана Cлавы ў Менску. Да матацыклаў былі прымацаваныя сьцягі Расеі, СССР і сымболіка «Начных ваўкоў». На некалькіх матацыклах бачныя сьцягі Рэспублікі Беларусь. Узначальвае калёну Аляксандар Залдастанаў — прыяцель прэзыдэнта Расеі Ўладзімера Пуціна і заснавальнік байк-клюбу. Сустракалі іх каля 20 актывістаў БРСМ са сьцягамі і кветкамі.

Байкеры ўсклалі кветкі да Кургана Cлавы і зладзілі імправізаваны мітынг-рэквіем. Залдастанаў выступіў з прамовай, заявіў, што 9 траўня — сьвятая для ўсіх дата, і яны хочуць сустрэць яе на месцы капітуляцыі нацысцкай Нямеччыны. Пасьля прамовы пачалося калектыўнае фатаграфаваньне. Далей байкеры плянуюць ехаць у мэмарыял у Хатыні.

Прадстаўнікі байкерскага клюбу «Начныя ваўкі» зьбіраюцца правесьці мотапрабег да Бэрліну, іх і маршрут ляжыць празь Беларусь. Раніцай 1 траўня яны правядуць прэс-канфэрэнцыю ў Берасьці ў консульстве Расеі. Пасьля гэтага яны зьбіраюцца разам паехаць да памежнага пераходу «Варшаўскі мост». Летась іх маршрут на гэтым і спыніўся. Сёлета таксама могуць узьнікнуць цяжкасьці, бо Польшча ўжо абвясьціла, што не зьбіраецца прапускаць расейскіх байкераў на сваю тэрыторыю.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG