Падзеі дня
Менск. У сувязі з 30-годзьдзем чарнобыльскай катастрофы адбудзецца міжнародная канфэрэнцыя «Чарнобыль праз 30 гадоў. Ад аварыйнай сытуацыі да адраджэньня і ўстойлівага сацыяльна-эканамічнаму разьвіцьця пацярпелых тэрыторый». Арганізатарамі выступаюць ўрад Беларусі і праграма разьвіцьця ААН. Перад удзельнікамі выступіць намесьнік генэральнага сакратара ААН, адміністратар ПРААН Хэлен Кларк. Месца правядзеньня — Палац Рэспублікі( Пл. Кастрычніцкая, 1) Пачатак а 12:00
Менск. Урачыстае мерапрыемства, падчас якога сярэдняй школе № 130 будзе прысвоена імя Рут Уолер. Уолер была амэрыканскай супрацоўніцай Адміністрацыі дапамогі і аднаўленьня Аб’яднаных Нацый (місія ААН — ЮНРРА), якая дзейнічала ў Беларусі ў 1946-1947 гадах. Улетку 1946 году Уолер выратавала трох беларускіх дзяцей, якія танулі ў возеры. Пасьля гэтага яна захварэла на запаленьне лёгкіх і мэнінгіт і, нягледзячы на намаганьні лекараў, 4 жніўня таго ж году памерла. Амэрыканка пахаванач на Вайсковых могілках у Менску. Месца правядзеньня — вул. Янкі Лучыны, 16. Пачатак а 8:45.
Менск. Міжнародны фэстываль кантараў, прысьвечаны сьвяту Песах. Месца правядзеньня — Цэнтар «Бейт Сімха» (вул Шорная, 20.) Пачатак а 18:00
Менск. Пачне працу пэрсанальная выстава беларускага мастака Мікалая Мішчанка «Рэальнасьць чулай цішыні». У выставачнай залі «Арт-кафэ» будуць прадстаўленыя каля 40 працаў мастака, выкананых у тэхніцы акварэлі. Месца правядзеньня — НММ (вул. Леніна, 20) Пачатак аб 11:00
Горадня. У рамках Дзён культуры Ізраілю ў Беларусі адбудзецца паказ фільму Этгара Керэта «Мэдузы». Месца правядзеньня — Кінатэатр «Чырвоная Зорка» (вул. Сацыялістычная, 4) Пачатак а 18:00
Ёсьць нагода
Сёньня — Усясьветны дзень барацьбы з малярыяй
У гісторыі
1794 — падчас разгортваньня на тэрыторыі былога Вялікага Княства Літоўскага паўстаньня пад кіраўніцтвам Тадэвуша Касьцюшкі, у Вільні быў пакараны сьмерцю Сымон Касакоўскі. Касакоўскі — былы дзяржаўны дзяяч Княства, які здрадзіў незалежнасьці, перайшоў на бок Расеі і разам з расейскім войскам узяў удзел у інтэрвэнцыі. За гэты ўчынак паўстанцы прысудзілі Касакоўскага да сьмяротнае кары. Ён быў павешаны ў Вільні на вулічным слупе.
1863 — паўстанцы Каліноўскага на чале з Баляславам Калышкам пацярпелі паразу ад рэгулярнага расейскага войска ў бітве пад Біржамі. У выніку схоплены ў палон Калышка будзе празь дзень публічна павешаны на Лукіскай плошчы ў Вільні.
1945 — сустрэча на Эльбе савецкіх і амэрыканскіх войскаў
1945 — пачатак Сан-Францыскай міжнароднай канфэрэнцыі 50 краін па выпрацоўцы Статуту ААН
1974 — пачалася «Рэвалюцыя гвазьдзікоў» у Партугаліі, якая завяршылася скіданьнем дыктатарскага рэжыму Антоніё Салазара.
2005 — Баўгарыя і Румынія падпісалі дамовы пра далучэньне да Эўразьвязу.
У гэты дзень нарадзіліся:
1214 — Людовік IX Сьвяты, кароль Францыі, кіраўнік 7-га і 8-га крыжовых паходаў.
1599 — Олівэр Кромвэль, ангельскі вайсковец і палітык.
1824 — Самуіл Магілевер, ураджэнец Беларусі, заснавальнік рэлігійнага сіянізму.
1868 — Раман Скірмунт, беларускі і польскі грамадзка-палітычны дзяяч.
1874 — Гульельма Марконі, італьянскі радыётэхнік і прадпрымальнік, ляўрэат Нобэлеўскай прэміі 1909.
1939 — Зінаіда Бандарэнка, народная артыстка Беларусі
1940 — амэрыканскі кінаактор Аль Пачына.
У гэты дзень памерлі:
1744 — Андэрс Цэльсій, швэдзкі астраном і фізык.
1913 — Міхайла Кацюбінскі, украінскі пісьменьнік.
Цытата
I адзін я ў пустыні,
I адзін я ў пустыні...
Кроў пачне закіпаць,
Потым зноўку застыне.
Хоць шукаюць сябры — ды мяне не знаходзяць
На паблытаных сьцежках вайны.
Караваны мяне абыходзяць,
Заміраюць у далях званы.
Толькі жоўты пясок неабсяжнай пустыні
Нада мною галосіць
То працяжна, то сіпла.
Толькі жорсткі пясок агнявая пустыня
Праз вачніцы мае усё сыпле і сыпле. (...)
Не хачу паміраць на чужой я зямлі!
Трэба ўзьняцца.
Я сьвінцовыя вейкі свае расчыніў,
Сьвет хіснуўся — такі нетрывалы і дзіўны.
Толькі я ўжо устаў,
Бо удалечыні
Я убачыў вялікае сонца Радзімы.
Дык сьвяці, не гасі гэты сьветлы маяк,
Дарагая Радзіма мая!
Хай вятры у вушах па-вар’яцку гудуць,
Хай пясок скрыпіць і рыпяць суставы,
Але я іду,
Але я дайду
Да першай савецкай заставы.
Пімен Панчанка, фрагмэнт верша «Малярыя» («Іранскі дзёньнік», 1945-1947)